ନିଜ ଜୀବନକୁ ବାଜି ଲଗାଇ ଅନ୍ୟମାନଙ୍କୁ ପାଣିରୁ ଉଦ୍ଧାର କରିବାରେ ସାରା ଜୀବନ ବିତାଇଛନ୍ତି ମୁମ୍ବାଇର ମତ୍ସ୍ୟଜୀବୀ ରାଜାରାମ ଜୋଷୀ। ଗତ ୩୦ ବର୍ଷ ଧରି ସେ ନାଭିମୁମ୍ବାଇ ନିକଟସ୍ଥ କ୍ରିକ୍ରେ ଆମତ୍ହତ୍ୟା କରିବା ଲାଗି ଚେଷ୍ଟା କରିଥିବା ବ୍ୟକ୍ତିମାନଙ୍କ ମଧ୍ୟରୁ ୪୯ ଜଣଙ୍କୁ ଉଦ୍ଧାର କରିଛନ୍ତି। ରାଜାରାମ ରୁହନ୍ତି ନାଭି ମୁମ୍ବାଇର ଭାସିରେ। ୨୦୧୩ରେ ଜଣେ ମହିଳା ଆମତ୍ହତ୍ୟା କରିବା ଲାଗି କ୍ରିକ୍କୁ ଡେଇଁବା ପରେ ତାଙ୍କୁ ପ୍ରଥମେ ସେ ଉଦ୍ଧାର କରିଥିଲେ। ଫାୟାର ବ୍ରିଗେଡ୍କୁ ସହଯୋଗ କରି ନିଜେ ୫୪ଟି ମୃତଦେହ ଉଦ୍ଧାର କରିଛନ୍ତି। ରାଜାରାମ ତାଙ୍କ ଜେଜେବାପାଙ୍କଠାରୁ ୬ ବର୍ଷ ବୟସ ବେଳୁ ପହଁରା ଶିଖିତ୍ବା ପରେ ୧୨ ବର୍ଷ ବୟସରେ ତାଙ୍କ ସାଙ୍ଗ କ୍ରିକ୍ରେ ବୁଡ଼ିଯିବାବେଳେ ଉଦ୍ଧାର କରିଥିଲେ। ରାଜାରାମ ଏ ବାବଦରେ କାହାଠାରୁ କେବେବି କିଛି ନେଇ ନ ଥା’ନ୍ତିି। ଦୁଇବର୍ଷ ପୂର୍ବେ ତାଙ୍କୁ ନ୍ୟାଶନାଲ ଫାୟାର ସର୍ଭିସ ଓ୍ବିକ୍ ଅବସରରେ ସମ୍ମାନିତ କରାଯାଇଛି। ଗତବର୍ଷ ଜଣଙ୍କୁ ଉଦ୍ଧାର କରିବାକୁ ଯାଇ ରାଜାରାମ ମେରୁଦଣ୍ଡରେ ଆଘାତ ପାଇବା ପରେ ସୁସ୍ଥତା ଲାଭ କରୁଛନ୍ତି। କିନ୍ତୁ ଏହି କାର୍ଯ୍ୟରେ ଏବେ ତାଙ୍କର ଦୁଇଜଣ ସହଯୋଗୀଙ୍କୁ ପ୍ରଶିକ୍ଷଣ ଦେଇଛନ୍ତି। ସେମାନେ କ୍ରିକ୍ ନିକଟରେ ଲୋକଙ୍କ ଉପରେ ନଜର ରଖୁଛନ୍ତି।