ଏଇ ଭାରତରେ
6:09 amApril 5, 2021April 5, 2021 / 21

ଚାକିରିରୁ ଅବସର ନେବା ପରେ ଗଛର ମୋହରେ ପଡ଼ିଯାଇଛନ୍ତି ବେଙ୍ଗାଲୁରୁର ଇଞ୍ଜିନିୟର ନଟରାଜ ଉପାଧ୍ୟାୟ। ସେ ତାଙ୍କ ଘରର ୧୫୦୦ ବର୍ଗଫୁଟ ଅଗଣାରେ ୩୦୦ ପ୍ରକାରର ୧୭୦୦ ଗଛ ଲଗାଇଛନ୍ତି। କମ୍‌ ଜାଗାରେ ଏତେ ଅଧିକ ଗଛ କିପରି ଲଗାଯାଇଛି ତାହା ଭାବିଲେ ଆଶ୍ଚର୍ଯ୍ୟ ଲାଗୁଛି। ହେଲେ ଏଭଳି ଜଙ୍ଗଲ ସୃଷ୍ଟି କରିବା ଲାଗି ନଟରାଜ ଭିନ୍ନ ଉପାୟ ଆପଣାଇଛନ୍ତି। ସେ ଡ୍ରମ୍‌ରେ କେବଳ ଖତ ଭର୍ତ୍ତିକରି ଗଛ ଲଗାଇଛନ୍ତି। ଏହାଦ୍ୱାରା ଗଛ ମଧ୍ୟ ୧୫ ଫୁଟ ଉଚ୍ଚତା ଯାଏ ବଢ଼ିପାରିଛି। ଘର ଚାରିପାଖ ଅଗଣାରେ ଜଙ୍ଗଲ ସୃଷ୍ଟି କରିବା ଦ୍ୱାରା ସେଠାରେ ଏବେ ୫୦ ପ୍ରକାରର ପ୍ରଜାପତି ରହିଛନ୍ତି। ଏହାବାଦ୍‌ ପାଖାପାଖି ୨୦ ପ୍ରଜାତିର ପକ୍ଷୀ ବସା ବାନ୍ଧିଛନ୍ତି। ଉଦୁପିର ପରମପାଲିରେ ଜନ୍ମିତ ନଟରାଜଙ୍କ କୃଷି ପ୍ରତି ପିଲାବେଳୁ ଆଗ୍ରହ ଥିଲା। ଏଣୁ ଇଞ୍ଜିନିୟର ବୃତ୍ତିରୁ ଅବସର ନେବାପରେ ସେ ୨୦୧୨ରେ ବେଙ୍ଗାଲୁରୁର ବିବେକାନନ୍ଦନଗରସ୍ଥିତ ତାଙ୍କ ଘରେ ମିନି ଜଙ୍ଗଲ ସୃଷ୍ଟି କରିବା ଲାଗି ଡ୍ରମରେ ଗଛ ଲଗାଇବା ଆରମ୍ଭ କରିଥିଲେ। ସେ ୫୫ ଲିଟର ଡ୍ରମରେ ଏହିସବୁ ଗଛ ବଢ଼ାଇଛନ୍ତି।