ଜଙ୍ଗଲ ନିଆଁ ରୋକିବାରେ ଝାଡ଼ଖଣ୍ଡର ଭାରତୀୟ ବନ ସେବା (ଆଇଏଫ୍ଏସ୍)ଅଧିକାରୀ ବିକାଶ ଉଜ୍ଜ୍ୱଳଙ୍କ ଉପାୟ ଏବେ ସାରା ବିଶ୍ୱକୁ ଏକ ଶିକ୍ଷା ଦେଇଛି ବୋଲିି କହିଲେ ଅତ୍ୟୁକ୍ତି ହେବ ନାହିଁ। ଲୋହାରଡଗା ଜିଲାର ଡିଏଫ୍ଓ ବିକାଶ ବିଭିନ୍ନ ଗାଁର ୪୦୦ ଜଣଙ୍କୁ ଶୁଖିଲା ପତ୍ରରୁ ଆୟର ବାଟ ଦେଖାଇ ପାରିଛନ୍ତି । ନିଆଁର ଉତ୍ସ କୁହାଯାଉଥିତ୍ବା ଶୁଖିଲା ପତ୍ରର ଉପଯୋଗ ହେବା ଦ୍ୱାରା ଜଙ୍ଗଲ ନିଆଁକୁ ୮୦% ରୋକାଯାଇ ପାରିଛି। ଶୁଖିଲା ପତ୍ର ସହ କୋଇଲାଗୁଣ୍ଡ ମିଶାଇ ଏକ ପ୍ରକାର ଜାଳେଣି ଇଟା (ବ୍ରିକ୍ୱିଟ)ପ୍ରସ୍ତୁତ କରାଯାଇ ଏହାକୁ ସ୍ଥାନୀୟ ମାର୍କେଟରେ ବିକ୍ରି କରାଯାଉଛି। ବ୍ରିକ୍ୱିଟ୍ ପ୍ଲାଣ୍ଟକୁ ଜଏଣ୍ଟ ଫରେଷ୍ଟ ମ୍ୟାନେଜ୍ମେଣ୍ଟ କମିଟି ସଞ୍ଚାଳନ କରୁଛି ଓ ଏହି କମିଟିରେ ୧୫ଟି ଗାଁରୁ ସଦସ୍ୟ ରହିଛନ୍ତିି। ପା୍ଲଣ୍ଟରେ ଦିନକୁ ଏକ ଟନ୍ ପତ୍ର ଉପଯୋଗ ହେଉଛି। ଲୋକମାନେ ପତ୍ର ଗୋଟାଇ ଆଣି ନିର୍ଦ୍ଧାରିତ ମୂଲ୍ୟରେ ପ୍ଲାଣ୍ଟକୁ ବିକ୍ରି କରି ପ୍ରତ୍ୟେକ ଦିନକୁ ପାଖାପାଖି ୩୦୦ଟଙ୍କା ରୋଜଗାର କରିପାରୁଛନ୍ତି। ଏହି ଯୋଜନା ବିକାଶ ୨୦୧୯ରେ ଆରମ୍ଭ କରିବା ପରେ ଝାଡ଼ଖଣ୍ଡରେ ବଡ଼ ଧରଣର ଜଙ୍ଗଲ ନିଆଁ ଦେଖିବାକୁ ମିଳିନି। ଜଙ୍ଗଲ ନିଆଁ ହ୍ରାସ ପାଇବା ଯୋଗୁ ମଣିଷ ଓ ପଶୁ ମଧ୍ୟରେ ସଂଘର୍ଷ ମଧ୍ୟ ହ୍ରାସ ପାଇଛି।