ବିନା ମାଟିରେ ଗ୍ରୋ ବ୍ୟାଗ୍ରେ ପରିବା ଫଳୁଛି। ଏହା ଆଶ୍ଚର୍ଯ୍ୟ ଲାଗୁଥିଲେ ବି ସତ। କେରଳର ଜଣେ କୃଷି ଅଧିକାରୀ ଜନ୍ ଶେରୀଙ୍କ ଦ୍ୱାରା ଏହା ସମ୍ଭବ ହୋଇପାରିଛି। କେରଳର ଏଗ୍ରିକଲ୍ଚର ଇନୋଭେଶନ ବ୍ୟୁରୋର ସହକାରୀ ନିର୍ଦ୍ଦେଶକ ଜନ୍ ବିନା ମାଟିରେ ୧୪୦ ବର୍ଗଫୁଟ୍ ଅଗଣାରେ ଟମାଟୋ, ଭେଣ୍ଡି, କଲରା, ଛଚିନ୍ଦ୍ରା, ଝୁଡ଼ଙ୍ଗ, ଲଙ୍କା, ବାଇଗଣ ଆଦି ୩୫ ପ୍ରକାର ପରିବା ଫଳାଉଛନ୍ତି। ଧାନ କୁଣ୍ଡାକୁ ନେଇ ପଟିଂ ମିକ୍ସ ପଦ୍ଧତିରେ ଗ୍ରୋ ବ୍ୟାଗ୍ରେ ପରିବା ଚାଷ କରୁଛନ୍ତି। ଏହି ପଦ୍ଧତିରେ କୁଣ୍ଡା ସହ ନଡ଼ିଆ କତାର ନରମ ଗୁଣ୍ଡ ଓ ଗୋବରଗୁଣ୍ଡକୁ ବିଭିନ୍ନ ଅନୁପାତରେ ସ୍ତର ସ୍ତର କରି ଗ୍ରୋ ବ୍ୟାଗ୍ରେ ରଖି ଗଛ ଲଗାଯାଉଛି। ପରେ ପାଣି ଥିବା ଏକ ପ୍ଲାଷ୍ଟିକ୍ ଟ୍ରେରେ ସେ ଗ୍ରୋ ବ୍ୟାଗକୁ ରଖୁଛନ୍ତି, ଯଦ୍ଦ୍ବାରା ଗଛ ଆବଶ୍ୟକ ପାଣି ଶୋଷି ପାରୁଛି। କୁଣ୍ଡାରେ ଥିବା ଅଧିତ୍ତ୍କ ସିଲିକା, କାର୍ବନ, କ୍ୟାଲ୍ସିୟମ ଏବଂ ମ୍ୟାଗ୍ନେସିୟମ ଗଛ ବଢ଼ିବାରେ ସାହାଯ୍ୟ କରେ ବୋଲି କହନ୍ତି ଜନ୍। ଗଛକୁ ସବଳ କରିବା ପାଇଁ ପ୍ରତି ସପ୍ତାହରେ ସେ ୧:୧୦ ଅନୁପାତରେ ଗୋବର ଓ ପାଣିର ୧୦ ଲିଟର ଦ୍ରବଣ ସହ ୫୦ ଗ୍ରାମ ପଟାସ୍ ମିଶାଇ ଉପଯୋଗ କରୁଛନ୍ତି। ଏକ ପରିବେଶ ଉପଯୋଗୀ ପଦ୍ଧତିରେ କମ୍ ଜାଗାରେ ବିନା ମାଟିରେ ଅଧିକ ପରିବା ଉପତ୍ାଦନର ଏହି ଉପାୟ ଏବେ ବେଶ୍ ଗ୍ରହଣୀୟ ହେବାରେ ଲାଗିଛି।