କରୋନାର ଦ୍ୱିତୀୟ ଲହର ପ୍ରକାଶ ପାଇବା ପରଠାରୁ ଏଯାବତ୍ ଦିନଟିଏ ବିଶ୍ରାମ ନେବାକୁ ଭୁଲି ଯାଇଛନ୍ତି ପୁଣେର ଆଶାକର୍ମୀ ସୁମନ ଧେବେ। ମହାରାଷ୍ଟ୍ରର ଭେଲେ ବ୍ଲକ୍ ଅନ୍ତର୍ଗତ ଦୁର୍ଗମ ଅଞ୍ଚଳର ୫ଟି ଗାଁକୁ କୋଭିଡ୍ମୁକ୍ତ ରଖିତ୍ତ୍ବା ଲାଗି ସେ ପ୍ରତିଦିନ ୧୨ରୁ ୧୩ କି.ମି ପାହାଡ଼ ଚଢ଼ି ଯାଉଛନ୍ତି। ଏହିସବୁ ଗାଁର ଲୋକସଂଖ୍ୟା ୧,୦୦୦। ତାଙ୍କ ନିଷ୍ଠାପର ଉଦ୍ୟମ ଯୋଗୁ ଗାଁଗୁୁଡ଼ିକ ଦ୍ୱିତୀୟ ଲହରରେ ସମ୍ପୂର୍ଣ୍ଣ କୋଭିଡ୍ମୁକ୍ତ ହୋଇପାରିଛି। ୨୦୨୦ ଜୁଲାଇରେ ଗୋଟିଏ ଗାଁରେ ଆଦିମ ଜନଜାତିର ଦୁଇଜଣ କୋଭିଡ୍ ସଂକ୍ରମିତ ହେବା ପରେ ସୁମନ ବିଚଳିତ ହୋଇ ଯାଇଥିଲେ। ପରେ ସେ କଣ୍ଟ୍ରାକ୍ଟ ଟ୍ରେସିଂ ଆରମ୍ଭ କରି ସେହି ଗାଁଗୁଡ଼ିକରେ ସଂକ୍ରମଣ ରୋକିବା ପାଇଁ ଲାଗି ପଡ଼ିଥିଲେ। ଏଥିପାଇଁ ତାଙ୍କୁ ଦୁଇଟି ପାହାଡ଼ ଚଢ଼ି ସେଠାକୁ ଯିବାକୁ ପଡ଼ିିଥିତ୍ଲା। ସମ୍ପୃକ୍ତ ଦୁଇ ଜଣଙ୍କୁ ଗ୍ରାମବାସୀଙ୍କଠାରୁ ଅଲଗା କରି ପ୍ରଥମ ଲହରରେ ଗାଁଗୁଡ଼ିକୁ କୋଭିଡ୍ମୁକ୍ତ କରିବା ପରେ ଦ୍ୱିତୀୟ ଲହରରେ ତାଙ୍କ ଉଦ୍ୟମ ଯୋଗୁ ଏଠାରେ କୋଭିଡ ପହଞ୍ଚି ପାରିନାହିଁ। ୪୨ ବର୍ଷୀୟା ସୁମନ ପ୍ରତିଦିନ ସକାଳ ୮ଟାରେ ଗଁାଗୁଡ଼ିକ ଅଭିମୁଖେ ଯାତ୍ରା ଆରମ୍ଭ କରନ୍ତି। ପାହାଡ଼ ଚଢ଼ିବା ଲାଗି ହାତରେ ବାଉଁଶ ବାଡିଟିଏ ନିଅନ୍ତି। ଯିବା ଆସିବା ଲାଗି ୧୦ ଘଣ୍ଟା ଲାଗିଯାଏ। ଗତ ବର୍ଷ ଜୁଲାଇରୁ ଏଯାବତ୍ ସେ ପ୍ରତିକୂଳ ପରିସ୍ଥିତିରେ ବି ଏହି ସେବା ଜାରି ରଖିଛନ୍ତି।