ବହୁ ସମୟରେ ସଂସ୍କୃତିକୁ ଲୋପ ହେବାକୁ ନ ଦେବା ଲାଗି ଅନେକ ଅଜବ ଅଭିଯାନ ଚଳାଇବା ଦେଖାଯାଏ। ଏହି କ୍ରମରେ ଏବେ ଉଦାମପୁର ଜିଲାରେ ପରିତ୍ୟକ୍ତ ଅବସ୍ଥାରେ ରହିଥିତ୍ବା କୂଅଗୁଡ଼ିକର ପୁନରୁଦ୍ଧାର କରିବାରେ ଲାଗିଛନ୍ତି ଡ. ବିଜୟ ଅତ୍ରି। ଡ. ଅତ୍ରି ହର୍ଟିକଲ୍ଚର ବିଭାଗରେ କାମ କରନ୍ତି। ତାଙ୍କ ବୟସ ୩୮। ବିଭାଗୀୟ କାର୍ଯ୍ୟ ମଧ୍ୟରୁ ସମୟ ବାହାର କରି ସେ କୂଅ ଓ ଝରଣାଗୁଡ଼ିକର ପୁନରୁଦ୍ଧାରରେ ଲାଗିଛନ୍ତି। ବିଜୟଙ୍କ ସହ ଜମ୍ମୁ-କଶ୍ମୀରର ଉଦାମପୁର ଜିଲାର ୧୩ ଜଣ ସାମିଲ ହୋଇଛନ୍ତି। ମାର୍ଚ୍ଚ ୨୦୨୧ରେ ‘ବାଉଲି ବଚାଓ ଅଭିଯାନ’ ଆରମ୍ଭ କରି ମାତ୍ର ୪ ମାସ ମଧ୍ୟରେ ସେମାନେ ୬୫ଟି କୂଅର ପୁନରୁଦ୍ଧାର କରିସାରିଲେଣି। ଏହା ସହ ୨୦ଟି ପ୍ରାକୃତିକ ଝରଣା ଉତ୍ସର ପୁନରୁଦ୍ଧାର ଶେଷ କରିଛନ୍ତି। ଡ. ଅତ୍ରି ଓ ତାଙ୍କ ଟିମ୍ ଉଦାମପୁର ଜିଲାରେ ୬୭୭ କୂଅ ଚିହ୍ନଟ କରି ଏଗୁଡ଼ିକର ପୁନରୁଦ୍ଧାର ଯୋଜନା ପ୍ରସ୍ତୁତ କରିଛନ୍ତି। ପ୍ରାକୃତିକ ଜଳଉତ୍ସର ପୁନରୁଦ୍ଧାର ହୋଇପାରିଲେ ବହୁ ଅଞ୍ଚଳରେ ଜଳ ସଙ୍କଟ ଦୂର ହୋଇପାରିବ ବୋଲି କହନ୍ତି ବିଜୟ।