ହଜାରେ କି ଦୁଇ ହଜାର ନୁହେଁ, ୩୮,୦୦୦ ମହିଳା କୃଷକ ମରୁଡ଼ି ଅଞ୍ଚଳକୁ ଶସ୍ୟଶାମଳା କରିବା କିଛି କମ୍ କଥା ନୁହେଁ। ମହାରାଷ୍ଟ୍ରର ମରାଠାଓ୍ବାଡର ମହିଳାମାନଙ୍କ ଦ୍ୱାରା ଏହା ସମ୍ଭବ ହୋଇଛି। ସେମାନେ ନୂତନ ଜ୍ଞାନକୌଶଳ ଉପଯୋଗ କରି ଜୈବିକ ପଦ୍ଧତିରେ ଚାଷ କରୁଛନ୍ତି। ଚାଷ ଦ୍ୱାରା ସେମାନେ ଆୟ ଦୁଇଗୁଣ ବଢ଼ାଇ ପାରିଛନ୍ତି। ପୁଣେର ‘ସ୍ବୟଂ ଶିକ୍ଷାନ ପ୍ରୟୋଗ’ ସଂସ୍ଥା ଦ୍ୱାରା ଉପଯୋଗ କରାଯାଉଥିତ୍ତ୍ତ୍ତ୍ବା ‘ଏକ ଏକର ମଡେଲ’ରେ ମହିଳାମାନେ ଚାଷ କରୁଛନ୍ତି। । ମମଦାପୁର ଗାଁର ସନ୍ତୋଷୀ ସୁର୍ଭସେ ପ୍ରଥମେ ୨୦୧୫ରେ ଏହି ମଡେଲରେ ଚାଷ ଆରମ୍ଭ କରିଥିଲେ। ସେ ୧ ଏକର ଜମିରେ ଜୈବିକ ଚାଷ କରି ସଫଳ ହେବା ପରେ ଗାଁର ୨୦ ଜଣ ମହିଳାଙ୍କୁ ଏଥିପ୍ରତି ଆକର୍ଷିତ କରିପାରିଥିଲେ। ମମଦାପୁର ଭଳି ମରାଠାଓ୍ବାଡର ବହୁ ଗାଁରେ ଏବେ ଏହି ମଡେଲ ଚାଷରେ ହଜାର ହଜାର ମହିଳା ସାମିଲ ହେବାରେ ଲାଗିଛନ୍ତି । ଚାଷରୁ ଆୟ ଦୁଇଗୁଣ ବଢ଼ିବା ପରେ ମରାଠାଓ୍ବାଡରେ କୃଷକ ଆମତ୍ହତ୍ୟା ମଧ୍ୟ କମିବାରେ ଲାଗିଛି। ମହିଳାମାନେ ଏବେ ଜିଆଖତ ପ୍ରସ୍ତୁତ କରି ବିକ୍ରି କରୁଛନ୍ତି।