ନିଜ କଥାକୁ ପଛ କରି ଅନ୍ୟମାନଙ୍କ ଜୀବନ ଜୀବିକାରେ ପରିବର୍ତ୍ତନ ଆଣିବା ଲାଗି ଯେଉଁ କେତେ ଜଣ ପ୍ରୟାସ କରୁଛନ୍ତି, ସେମାନଙ୍କ ମଧ୍ୟରେ ବେଙ୍ଗାଲୁରର ପ୍ରତିଭା ବିଷ୍ଣୋଇ ଅନ୍ୟତମ। ବେଙ୍ଗାଲୁରରେ ଉଚ୍ଚ ଦରମାର ଚାକିରି ଛାଡ଼ି ଉତ୍ତରାଖଣ୍ଡର ଦୁର୍ଗମ ଗାଁ ଖେତିଖାନରେ ରହୁଛନ୍ତି। ରହିବା ପଛରେ ରହିଛି ଏକ ମହାନ୍ ଉଦ୍ଦେଶ୍ୟ। ଖେତିଖାନ ଓ ଏହାର ଆଖପାଖ ଗାଁର ମହିଳାମାନଙ୍କୁ ରୋଜଗାରର ରାସ୍ତା ଦେଖାଉଛନ୍ତି। ଏବେ ସୁଦ୍ଧା ସେ ୪୦ଟି ଗାଁର ୨୦୦ ମହିଳାଙ୍କୁ ଆମତ୍ନିର୍ଭର କରି ସାରିଲେଣି। ୨୦୧୬ରୁ ‘ହିମାଲୟାନ ବ୍ଲୁମ’ ସଂସ୍ଥା ମାଧ୍ୟମରେ ସେ ଏହି କାର୍ଯ୍ୟ କରୁଛନ୍ତି। ମହିଳାମାନେ ଉଲ୍ ସ୍ବିଟେର, ସକ୍ସ ଏବଂ ଅନ୍ୟ ସାମଗ୍ରୀ ବୁଣୁଛନ୍ତି। ଉପତ୍ାଦଗୁଡ଼ିକର ଚାହିଦା ବଢିଛି। ଏହାକୁ ପ୍ରତିଭା ଦେଶ ବିଦେଶରେ ବିକ୍ରି କରୁଛନ୍ତି। ପ୍ରତିଦିନ ବିଭିନ୍ନ ସାମଗ୍ରୀ ଲାଗି ସେ ୧ ହଜାରରୁ ଊର୍ଦ୍ଧ୍ୱ ଅର୍ଡର ପାଉଛନ୍ତି। ମହିଳାମାନେ ପ୍ରତିମାସରେ ଏବେ ୭,୦୦୦ରୁ ୧୦,୦୦୦ ଟଙ୍କା ରୋଜଗାର କରୁଛନ୍ତି ବୋଲି କହନ୍ତି ୩୭ ବର୍ଷୀୟା ପ୍ରତିଭା।