ପରିବେଶ ପ୍ରଦୂଷଣ ରୋକିବାରେ ୩ ଜଣ ମହିଳାଙ୍କ ପ୍ରୟାସ ଏକ ଉଦାହରଣ ସୃଷ୍ଟି କରିଛି। ମୁମ୍ବାଇର ଏହି ମହିଳାମାନେ ହେଉଛନ୍ତି ଅଂଶୁ ପର୍ଡିଓ୍ବାଲା, କୁନ୍ତୀ ଓଜା ଏବଂ ଚିତ୍ରା ହିରେମାଥ୍। ଏମାନେ ବ୍ୟବହୃତ ଖାଲି କ୍ଷୀର ପ୍ୟାକେଟ୍ ସଂଗ୍ରହ କରି ତାହାକୁ ରିସାଇକ୍ଲିଂ ସେଣ୍ଟରକୁ ପଠାଉଛନ୍ତି। ୨୦୧୯ରେ ‘ମିଲ୍କ ବ୍ୟାଗ୍ ପ୍ରୋଜେକ୍ଟ’ ଗଠନ କରି ତା’ମାଧ୍ୟମରେ ଏହି କାର୍ଯ୍ୟ କରୁଛନ୍ତି। ସେମାନେ ମୁମ୍ବାଇର ବିଭିନ୍ନ କଲୋନୀ, ହୋଟେଲ, ଚା’ଦୋକାନରୁ ଖାଲି କ୍ଷୀର ପ୍ୟାକେଟ୍ ସଂଗ୍ରହ କରୁଛନ୍ତି। ଏଭଳି କାର୍ଯ୍ୟ କରିବାକୁ ସେମାନେ ସୋସିଆଲ ମିଡିଆରୁ ପ୍ରେରଣା ପାଇଥିଲେ। ଏବେସୁଦ୍ଧା ଏହି ୩ ମହିଳା ୭.୫ ଲକ୍ଷ ପ୍ଲାଷ୍ଟିକ୍ ମିଲ୍କ ପ୍ୟାକେଟ୍ ସଂଗ୍ରହ କରି ସାରିଲେଣି। ମିଲ୍କ ପ୍ୟାକେଟ୍ ସଂଗ୍ରହ କରିବା ପୂର୍ବରୁ ତାହାକୁ ଭଲ ଭାବେ ସଫା କରି ଶୁଖାଇ ରଖିତ୍ବାକୁ ସେମାନେ ଲୋକମାନଙ୍କୁ ପରାମର୍ଶ ଦେଉଛନ୍ତି। ମାସ ଶେଷରେ ତିନିହେଁ ଏହାକୁ ସଂଗ୍ରହ କରି ତାହାକୁ ରିସାଇକ୍ଲିଂ ସେଣ୍ଟରକୁ ପଠାଉଛନ୍ତି। ଏହା ପୂର୍ବରୁୁ ସେମାନେ ମଧ୍ୟ ପରିବେଶ ସୁରକ୍ଷା ଓ ବର୍ଜ୍ୟ ପରିଚାଳନା କ୍ଷେତ୍ରରେ କାମ କରୁଥିଲେ। ଏବେ ସେମାନଙ୍କ ସହ ଆଉ କେତେଜଣ ସ୍ବେଚ୍ଛାସେବୀ ସାମିଲ ହୋଇଛନ୍ତି। ଏମାନଙ୍କ କାର୍ଯ୍ୟ ଦେଖି ଦିଲ୍ଲୀ ଓ ଠାଣେରୁ ବି ଲୋକେ ପୋଷ୍ଟାଲରେ ଖାଲି କ୍ଷୀର ପ୍ୟାକେଟ୍ ପଠାଉଛନ୍ତି।