ବର୍ଜ୍ୟ ଦେବେ ଓ ତା’ବଦଳରେ ପିଜା ପାଇବେ ।
ଏମିତି କଥା ଶୁଣି ଆଶ୍ଚର୍ଯ୍ୟ ଲାଗୁଥିବ, ହେଲେ ଏହା ସତ। ଅହମଦାବାଦରେ ଦେଖିବାକୁ ମିଳିଛି ଏମିତି ଘଟଣା। ହାର୍ଦ୍ଦିକ ଶାହା ପରିବେଶ ପ୍ରଦୂଷଣ ରୋକିବା ଲାଗି ଏଭଳି ଅଭିଯାନ ଆରମ୍ଭ କରିଛନ୍ତି। ହାର୍ଦ୍ଦିକ ଜଣେ କଣ୍ଟ୍ରୋଲ ଇଞ୍ଜିନିୟର। ସେ ଗ୍ରୀନ୍ ଟେକ୍ନୋଲୋଜି ପ୍ରାଇଭେଟ ଲିମିଟେଡ ମାଧ୍ୟମରେ ଏହି କାର୍ଯ୍ୟ କରୁଛନ୍ତି। ୨୦୧୭ରେ ଏହି କମ୍ପାନୀ ଆରମ୍ଭ କରିଥିଲେ। ୨୦୧୧ରେ ଜାପାନ ଯାଇଥିତ୍ବା ସମୟରେ ଏହି କାର୍ଯ୍ୟ କରିବାକୁ ସେ ପ୍ରେରଣା ପାଇଥିଲେ। ବର୍ଜ୍ୟ ମୂଲ୍ୟରେ ଲୋକଙ୍କୁ ଜିନିଷ କିଣିବା ଲାଗି ଏକ ଆପ୍ ବିକାଶ କରିଛନ୍ତି। ଏଥିତ୍ରେ ୫,୦୦୦ ସବ୍ସ୍କ୍ରାଇବର ରହିଛନ୍ତି। ଲୋକଙ୍କୁ ଜିନିଷ ଯୋଗାଇ ଦେବା ଲାଗି ଏବେ ସୁଦ୍ଧା ତାଙ୍କ ପାଖରେ ୮୦ ପ୍ରକାର ଭେଣ୍ଡର ରହିଛନ୍ତି। କେବଳ ପିଜା ନୁହେଁ, ଯେ କୌଣସି ଜିନିଷ ନେବା ପାଇଁ ବ୍ୟବସ୍ଥା କରାଯାଇଛି। ଏବେ ସୁଦ୍ଧା ହାର୍ଦ୍ଦିକଙ୍କ କମ୍ପାନୀ ୧୦୦ ଟନ୍ ବର୍ଜ୍ୟ ସଂଗ୍ରହ କରିସାରିଛନ୍ତି। ବର୍ଜ୍ୟ ସଂଗ୍ରହ କରିବାରେ ଓ ଲୋକଙ୍କ ପାଖରେ ତା’ମୂଲ୍ୟର ଜିନିଷ ପହଞ୍ଚାଇବାରେ ବହୁ ଲୋକ ମଧ୍ୟ ନିଯୁକ୍ତ ହୋଇଛନ୍ତି।