ମାଙ୍ଗାଲୋରର ଘରୋଇ ସହାୟିକା ରଜନୀ ସେଟ୍ଟୀ ଯାହା ରୋଜଗାର କରୁଛନ୍ତି ସେଥିରେ ବୁଲା କୁକୁରଙ୍କୁ ଖାଇବାକୁ ଦେଉଛନ୍ତି। ଥରେ ବସ୍ରେ ଯାତ୍ରା କରିବା ସମୟରେ ଏକ ଭୋକିଲା କୁକୁରକୁ ଦେଖିତ୍ ବସ୍ରୁ ଓହ୍ଲାଇ ତାକୁ ଖାଇବାକୁ ଦେବା ପରଠାରୁ ସେ ବୁଲା କୁକୁରଙ୍କୁ ଖାଇବାକୁ ଦେବା ଆରମ୍ଭ କରିଥିଲେ। ରଜନୀଙ୍କ ବୟସ ୪୦। ସେ ତାଙ୍କ ଦୈନନ୍ଦିନ କାର୍ଯ୍ୟରୁ ସମୟ ବାହାର କରି ଏବେ ୮୦୦ ବୁଲା କୁକୁରଙ୍କ ପାଇଁ ରୋଷେଇ କରୁଛନ୍ତି। ପ୍ରତିଦିନ ସେ ଭାତ ଓ ଚିକେନ ପ୍ରସ୍ତୁତ କରି ସେମାନଙ୍କୁ ଖାଇବାକୁ ଦେଉଛନ୍ତି। କେବଳ ଏତିକି ନୁହେଁ,୧୫ ବର୍ଷ ମଧ୍ୟରେ ସେ ୨,୦୦୦ ପ୍ରାଣୀଙ୍କୁ ଉଦ୍ଧାର କରି ସାରିଲେଣି। ବଡ଼ କଥା ହେଉଛି, ରଜନୀ ଏକାକୀ ପ୍ରାଣୀଙ୍କୁ ଉଦ୍ଧାର କରିଥାଆନ୍ତି। କରୋନା ମହାମାରୀ ସମୟରେ ସେ ରାତି ୧୨ଟାରୁ ୩ଟା ମଧ୍ୟରେ କୁକୁରଙ୍କୁ ଖାଇବାକୁ ଦେଉଥିଲେ। କୂଅ, ଡ୍ରେନ୍ କିମ୍ବା ଅନ୍ୟ କୌଣସି ସ୍ଥାନରେ କୁକୁର ବିପଦରେ ପଡ଼ିଥିଲେ ସେ ଖବର ପାଇ ତୁରନ୍ତ ସେଠାରେ ପହଞ୍ଚି ଉଦ୍ଧାର କରୁଛନ୍ତି। ସେମାନଙ୍କ ଚିକିତ୍ସା ବି କରୁଛନ୍ତି ଓ ଏ ବାବଦ ସମସ୍ତ ଖର୍ଚ୍ଚ ନିଜେ ବହନ କରୁଛନ୍ତି। ଏଥିରେ ତାଙ୍କ ସ୍ବାମୀ ଓ ତିନି ସନ୍ତାନଙ୍କ ସମର୍ଥନ ରହିଛି।