ପିଲାଦିନରୁ ଚାଷ ପ୍ରତି ଆଗ୍ରହ ରଖିଥିବା କେରଳର ଜଣେ ଚାଷୀ ଏବେ ୧୭୦ କିସମର କଦଳୀ ଚାଷ କରି ଉଦାହରଣ ସୃଷ୍ଟି କରିଛନ୍ତି। ଓ୍ବାଏନାଡ୍ର ଏହି କୃଷକ ଜଣକ ହେଉଛନ୍ତି ଏନ୍.କେ. ନିଶାନ୍ଥ। ୨ ଏକର ଜମିରେ ନିଶାନ୍ଥ ଏହି ଚାଷ କରୁଛନ୍ତି। ଓ୍ବାଏନାଡର ଦୁଇଟି ସ୍ଥାନ ମାନାଥାଉଡି ଓ ନିରଭିଲ୍ଫୁଝାରେ ତାଙ୍କ ଜମି ରହିଛି। ସାରା ଦେଶରେ ସେ ୧୫ ବର୍ଷ ଧରି ୧୭୦ କିସମର କଳଦୀ ସଂଗ୍ରହ କରିପାରିଛନ୍ତି ଓ ପ୍ରତ୍ୟେକଟି କିସମର ଚାଷ କରି ବେଶ୍ ଉତ୍ପାଦନ କରୁଛନ୍ତି। ବଡ଼ କଥା ହେଉଛି, ନିଶନ୍ଥ ଏମ୍ପ୍ଲଏମେଣ୍ଟ ଏକ୍ସଚେଞ୍ଜରେ ଜଣେ କିରାଣୀ ଭାବେ କାର୍ଯ୍ୟକରିବା ସହ ସେଥିରୁ ସମୟ ବାହାର କରି ଏଭଳି ସଫଳତା ସାଉଁଟି ପାରିଛନ୍ତି। ସେ ଏହି ଚାଷ ପାଇଁ କଳଦୀ ଗଛ ସଂଗ୍ରହଠାରୁ ଆରମ୍ଭ କରି ଚାଷ, ଉତ୍ପାଦନ ଓ ମାର୍କେଟିଂ ସବୁ କରୁଛନ୍ତି ବୋଲି କହନ୍ତି ୪୭ ବର୍ଷୀୟ ନିଶାନ୍ଥ। ସେ କଦଳୀ ଚାଷ ସହ ଗୋଲମରିଚ, କଫି ଚାଷ ମଧ୍ୟ କରନ୍ତି। ଦେଶର ବିଭିନ୍ନ ସ୍ଥାନରୁ ଭିନ୍ନ ଭିନ୍ନ କିସମର କଦଳୀ ଗଛ ସଂଗ୍ରହ କରିବା ଲାଗି ‘ଭାଝାଗ୍ରାମମ୍’ ଫେସ୍ବୁକ୍ ଗ୍ରୁପ୍ ଆରମ୍ଭ କରିଛନ୍ତି ଯାହା ମାଧ୍ୟମରେ ଅନେକ କିସମର କଦଳୀ ସିଡ୍ ସଂଗ୍ରହ କରୁଛନ୍ତି। ଭାରତୀୟ ଡାକ ଦ୍ୱାରା ଲୋକେ ସିଡ୍କୁ ତାଙ୍କ ପାଖକୁ ପଠାଉଛନ୍ତି। ତାଙ୍କ ଫାର୍ମର କଳା ରଙ୍ଗର କଦଳୀ ଗଛ ଅତି ଆକର୍ଷଣୀୟ। ଏହାବାଦ୍ ୧୪ ଫୁଟ ଉଚ୍ଚା ଗଛରେ ମାଟିକୁ ଛୁଇଁଲାଭଳି କଦଳୀ କାନ୍ଧି ଦେଖିବାଭଳି ହୋଇଛି। ସବୁଠୁ କମ୍ ଉଚ୍ଚତା ବିଶିଷ୍ଟ ୩.୫ ଫୁଟ କଦଳୀ ଗଛ ମଧ୍ୟ ତାଙ୍କ ଫାର୍ମରେ ଶୋଭା ପାଉଛି।