ଆମ ଦେଶରେ ପ୍ରତିଦିନ ଖାଇବାକୁ ୧୯୦ ମିଲିୟନ ଲୋକଙ୍କ ପାଖରେ ଖାଦ୍ୟ ନାହିଁ। ଅନେକେ ବେଳାଏ ଖାଇଲେ ବେଳାଏ ଉପବାସ ରହୁଛନ୍ତି। ହେଲେ ଗୁଜରାଟର ଲଭ୍ଜୀଭାଇ ପଟେଲ ଏଭଳି କିଛି ଲୋକଙ୍କୁ ଖାଦ୍ୟ ଦେବା ଲାଗି ପ୍ରୟାସ ଆରମ୍ଭ କରିଥିଲେ ଆଜକୁ ୩୫ ବର୍ଷ ପୂର୍ବେ। ସେବେଠାରୁ ଦୀର୍ଘବର୍ଷ ଧରି ଗଙ୍ଗାରାମ ହସ୍ପିଟାଲ ବାହାରେ ଗରିବ ପରିବାରଗୁଡ଼ିକୁ ମାଗଣାରେ ଖାଦ୍ୟ ଯୋଗାଉଛନ୍ତି। ଯେଉଁମାନଙ୍କ ପାଇଁ ଦିନକୁ ଦୁଇବେଳା ଖାଦ୍ୟ ଯୋଗାଡ଼ କରିବା କଷ୍ଟକର। ଲଭ୍ଜୀଭାଇ ଏଭଳି କାର୍ଯ୍ୟ ଜାରି ରଖିତ୍ବା ଲାଗି ୧୯୯୪ରେ ସେ ଗଙ୍ଗାରାମ ଚାରିଟେବଲ ଟ୍ରଷ୍ଟ ଗଠନ କରିଥିଲେ। ନିଜ ସଞ୍ଚିତ ଅର୍ଥରୁ ୨୫ ଲକ୍ଷ ଟଙ୍କା ସେ ଟ୍ରଷ୍ଟକୁ ଦେଇଥିଲେ। ଲଭ୍ଜୀଭାଇଙ୍କ ଦେହାନ୍ତ ପରେ ଏବେ ତାଙ୍କ ପୁତୁରା ଚନ୍ଦ୍ରେଶଭାଇ ଏହି ସେବା ଜାରି ରଖିଛନ୍ତି। ଦିନକୁ ୧,୫୦୦ ଅସହାୟଙ୍କୁ ଖାଦ୍ୟ ଦିଆଯାଉଛି। ଚନ୍ଦ୍ରେଶଭାଇ ଲୋକଙ୍କୁ ଖାଦ୍ୟ ଦେବା ସହ ଘରେ ଏକୁଟିଆ ରହୁଥିବା ଓ ସ୍ବାସ୍ଥ୍ୟ ସମସ୍ୟା ଯୋଗୁ ବାହାରକୁ ଆସି ପାରୁ ନ ଥିବା ପ୍ରାୟ ୨୦୦ ବୟସ୍କଙ୍କ ଘରେ ଖାଦ୍ୟ ପହଞ୍ଚାଉଛନ୍ତିି। ଦିନକୁ ଏ ବାବଦରେ ୨୫, ୦୦୦ ଟଙ୍କା ଖର୍ଚ୍ଚ ହେଉଛି। ଲଭ୍ଜୀଭାଇ ପ୍ରଥମେ ଖାଦ୍ୟ ପ୍ରସ୍ତୁତ କରି ଟିଫିନ୍ରେ ଗରିବଙ୍କ ପାଇଁ ନେଉଥିତ୍ଲେ। ଏମିତି ୧୫ ବର୍ଷ କାଳ କାହାର ସାହଯ୍ୟ ନ ନେଇ ସେ ଓ ତାଙ୍କ ସ୍ତ୍ରୀ ଅସହାୟଙ୍କୁ ଖାଦ୍ୟ ଯୋଗାଇବା ପରେ ଭୋକିଲାଙ୍କ ସଂଖ୍ୟା ବଢ଼ିବାରୁ ଟ୍ରଷ୍ଟ ଗଠନ କରିବାକୁ ପଡ଼ିଥିତ୍ଲା, ଯାହା ଏବେ ଚନ୍ଦ୍ରେଶଭାଇଙ୍କ ନେତୃତ୍ୱରେ ଅସହାୟଙ୍କ ପାଇଁ ଦିନକୁ ଦୁଇବେଳା ଖାଦ୍ୟ ଯୋଗାଇ ଆସୁଛି।