ପକ୍ଷୀଙ୍କ ସୁରକ୍ଷା ପାଇଁ ଅନେକେ ପ୍ରୟାସ କରୁଛନ୍ତି। କିଏ ଛୋଟ ଜଙ୍ଗଲ କରୁଛନ୍ତି ତ କିଏ ଖାଦ୍ୟ ବ୍ୟବସ୍ଥା କରୁଛନ୍ତି, ହେଲେ ଭଗବାନ୍ଜୀ ଭାଇଙ୍କ ପ୍ରୟାସ ସମ୍ପୂର୍ଣ୍ଣ ନିଆରା। ଭଗବାନ୍ଜୀ ଜଣେ କୃଷକ ଓ ତାଙ୍କ ଘର ଗୁଜରାଟର ନାଭି ସାଙ୍କିଲ ଗ୍ରାମରେ। ଜେତପୁର୍ ବ୍ଲକ୍ର ଏହି ଗାଁରେ ସେ ପକ୍ଷୀମାନଙ୍କ ଲାଗି ଏକ ବାର୍ଡ ହାଉସ୍ ନିର୍ମାଣ କରିଛନ୍ତି। ଏହି ଘରେ ଭାଙ୍ଗି ନ ଯିବା ଭଳି ୨୫,୦୦୦ ମାଠିଆ ଖଞ୍ଜା ଯାଇଛି। ଏହାକୁ ବୋର୍ ପାଇପ୍ରେ ବୋଲ୍ଟ ଯୋଗେ ଫିଟ୍ କରିଛନ୍ତି। ଏହି ଘର ସବୁ ଋତୁର ଅନିଶ୍ଚିତତାକୁ ସାମ୍ନା କରିବାକୁ ସକ୍ଷମ। ବର୍ଷାଦିନେ ପକ୍ଷୀମାନଙ୍କୁ ବଜ୍ରପାତରୁ ରକ୍ଷା କରିବାର ବ୍ୟବସ୍ଥା ମଧ୍ୟ କରାଯାଇଛି। ଏହା ଆକର୍ଷଣୀୟ ଡିଜାଇନ୍ରେ ନିର୍ମିତ ଓ ଏଥି ଲାଗି ୨୫ ଲକ୍ଷ ଟଙ୍କା ନିଜ ପକେଟରୁ ବ୍ୟୟ କରିଛନ୍ତି। ଏହ ଘର ନିର୍ମାଣ କରିବା ସକାଶେ ଭଗବାନ୍ଜୀ ଭାଇଙ୍କୁ ତାଙ୍କ ସ୍ତ୍ରୀ, ପୁଅ ଓ ପୁଅଙ୍କ ସାଙ୍ଗମାନେ ସାହାଯ୍ୟ କରିଛନ୍ତି ଏବଂ ଏଥିପାଇଁ ତାଙ୍କୁ ଏକବର୍ଷ ଲାଗିଛି। ଏବେ ଏଥିରେ ପକ୍ଷୀମାନେ ଆସି ରହିବା ଆରମ୍ଭ କରିଦେଲେଣି। ସେମାନଙ୍କ ପାଇଁ ସେ ଖାଦ୍ୟ ଓ ପାନୀୟ ବ୍ୟବସ୍ଥା ମଧ୍ୟ କରୁଛନ୍ତି।