ବୟସ ୯୨। ହେଲେ ହାତ ଥମି ନାହିଁ କି ମନୋବଳ ଭାଙ୍ଗିନାହିଁ। ପ୍ଲାଷ୍ଟିକ ବର୍ଜ୍ୟର କିଭଳି ରିସାଇକ୍ଲିଂ ବା ପୁନଃ ଉପଯୋଗ କରାଯାଇପାରିବ ତାହାର ଏକ ପ୍ରେରଣାଦାୟକ ପଥ ଦେଖାଇଛନ୍ତି ଚେନ୍ନାଇର ଜାନକୀ ବିଶ୍ୱମ୍। ଅଦରକାରୀ ପ୍ଲାଷ୍ଟିକ୍ ଓ ବ୍ୟାଗ୍ରୁ ସେ ଟେବୁଲ ମ୍ୟାଟ୍, ଲଗେଜ୍ ଟ୍ୟାଗ୍, କ୍ୟାରି ବ୍ୟାଗ୍ ଓ ପାଉଚ୍ ଆଦି ପ୍ରସ୍ତୁତ କରୁଛନ୍ତି। ୨୦୧୯ରେ ତାମିଲନାଡୁରେ ପ୍ଲାଷ୍ଟିକ୍ ବ୍ୟାନ୍ କରାଯିବା ପରେ ଜାନକୀ ଏହାର ପୁନଃ ବିନିଯୋଗ ଉପରେ ଚିନ୍ତା କରି ପ୍ରଥମେ ଘରେ ଥିବା ପ୍ଲାଷ୍ଟିକ୍ କଭର୍ର ରିସାଇକ୍ଲିଂ ଆରମ୍ଭ କରିଥିଲେ। ୟୁଟ୍ୟୁବ୍ରୁ ଏହାର କୌଶଳ ଶିକ୍ଷା କରି ସେ ଏହିି କାର୍ଯ୍ୟ ଆରମ୍ଭ କରିଥିଲେ। ତାଙ୍କ ହାତତିଆରି ଜିନିଷକୁ ସେ ବିକ୍ରି କରୁନାହାନ୍ତି। ତାଙ୍କର ଏହି କାର୍ଯ୍ୟ ଦେଖିବାକୁ ଆସୁଥିବା ଲୋକମାନଙ୍କୁ ସେଗୁଡ଼ିକ ଉପହାର ଆକାରରେ ଦେଇଥାନ୍ତି। ତାଙ୍କ ସାମଗ୍ରୀଗୁଡ଼ିକ ମଧ୍ୟରୁ ଯିଏ ଯାହା ପସନ୍ଦ କରନ୍ତି ସେ ତାଙ୍କୁ ତାହା ଦେଇଦିଅନ୍ତି। ଯେଉଁଦିନ ଲୋକମାନଙ୍କୁ ଜିନିଷ ଦେବା ଲାଗି କହିଥାନ୍ତି ଠିକ୍ ସେହିଦିନ ତାଙ୍କୁ ତାହା ଦିଅନ୍ତି। ସେ ସକାଳ ୪ଟାରୁ ଉଠନ୍ତି ଓ ନିତ୍ୟକ୍ରମ ସାରି ଦିନସାରା ଏହି କାର୍ଯ୍ୟରେ ଲାଗନ୍ତି।
