ଜଣେ ଦୃଷ୍ଟିବାଧିତ ସ୍ବାବଲମ୍ବୀ ହେବା ସହ ନିଯୁକ୍ତି ସୃଷ୍ଟି କରି ଅନ୍ୟମାନଙ୍କ ପାଇଁ ପ୍ରେରଣା ପାଲଟିିଛନ୍ତି। ଏହା ବାରାଣସୀ ନିବାସୀ ସତ୍ୟପ୍ରକାଶ ମାଲବୀୟଙ୍କ ଦ୍ୱାରା ସମ୍ଭବ ହୋଇପାରିଛି। ମାଲବୀୟ ଜନ୍ମରୁ ଦୃଷ୍ଟିବାଧିତ। ତାଙ୍କୁ ଏବେ ବୟସ ୨୫। ସେ ବାରାଣସୀର ଦୃଷ୍ଟିହୀନ ସ୍କୁଲରୁ ଦ୍ୱାଦଶରେ ୮୦ପ୍ରତିଶତ ନମ୍ବର ରଖି ପାସ କରିବା ସହ ସ୍କଲାରଶିପ ପାଇଛନ୍ତି। ପରେ କମ୍ପ୍ୟୁଟରରେ କୋର୍ସ କରିବା ପରେ ରେଡିଓ ଜକି ଚାକିରି ମିଳିଥିଲା। କିନ୍ତୁ ସେ ବିଜ୍ନେସରେ ସ୍ବାବଲମ୍ବୀ ହେବା ସହ ତାଙ୍କ ଭଳି ଲୋକମାନଙ୍କୁ ରୋଜଗାର ଦେବା ଲକ୍ଷ୍ୟରେ ଚାକିରିକୁ ଏଡାଇଯାଇଛନ୍ତି। ପ୍ରଥମେ ଆଚାର ଓ ମହମବତି ବିଜ୍ନେସରେ ବିଫଳ ହେବା ପରେ ମହାମାରୀ ସମୟରେ ସତ୍ୟପ୍ରକାଶ ‘କାଶୀ ମସଲା’ ନାମରେ ମସଲା ବିଜ୍ନେସ ଆରମ୍ଭ କରିଥିଲେ। ସ୍କଲାରଶିପ୍ରୁ ପାଇଥିବା ଅର୍ଥ ଓ କେତେଜଣ ସମାଜସେବୀଙ୍କ ଆର୍ଥିକ ସହଯୋଗରେ ସେ ପ୍ରଥମେ ଏହା ଆରମ୍ଭ କରିଥିଲେ। ଏବେ ସେ ଏହି ବିଜ୍ନେସରୁ ମାସକ ସବୁ ଖର୍ଚ୍ଚ ପରେ ୩୦ ହଜାର ଟଙ୍କା ପାଉଛନ୍ତି। ଏଥିରେ ୧୦ ଜଣ ମହିଳାଙ୍କ ସମେତ କେତେଜଣ ଦିବ୍ୟାଙ୍ଗଙ୍କୁ ନିଯୁକ୍ତ କରିଛନ୍ତି। ମସଲାର ମାର୍କେଟିଂ ପାଇଁ ସେ ନିଜେ ପ୍ରଦର୍ଶନୀକୁ ଯାଉଛନ୍ତି। ଏସବୁ କାର୍ଯ୍ୟରେ ବିଭିନ୍ନ ସ୍ଥାନରେ ତାଙ୍କୁ ଅଟୋଚାଳକମାନେ ବେଶୀ ସାହାଯ୍ୟ କରୁଛନ୍ତି ବୋଲି କହନ୍ତି ସତ୍ୟପ୍ରକାଶ। ଆଗକୁ ସେ ମସଲା ଚା’, କଫି ଓ ଚକୋଲେଟ ତିଆରି କରିବା ପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି।