ଚିକିତ୍ସା କ୍ଷେତ୍ରରେ ଡ୍ରୋନ୍ ସେବା ଦିଗରେ ବିକ୍ରମ ସିଂଙ୍କ ଯୋଗଦାନ ନିଶ୍ଚିତ ଭାବେ ପ୍ରଶଂସନୀୟ। ସେ ଆଇଆଇଟି, କାନପୁରରୁ କେମିକାଲ ଇଞ୍ଜିନିୟରିଂରେ ଡିଗ୍ରୀ ହାସଲ କରିଛନ୍ତି। ତୃତୀୟ ବର୍ଷ ଛାତ୍ର ଥିତ୍ବା ସମୟରେ ବିକ୍ରମ ୨୦୧୫ରେ ଗୁରୁଗ୍ରାମରେ ‘ଟେକ୍ଇଗଲ’ ଷ୍ଟାର୍ଟଅପ୍ ପ୍ରତିଷ୍ଠା କରିଥିଲେ। ଏହା ମାଧ୍ୟମରେ ୨୦୧୮ରେ ପ୍ରଥମ ଡ୍ରୋନ୍ ନିର୍ମାଣ କରାଯାଇ ଲକ୍ଷ୍ନୌର ଏକ ଫୁଡ୍ ଡେଲିଭରି ଷ୍ଟାଟ୍ଅପ୍ରେ ତାହାର ଟ୍ରାଏଲ ହୋଇଥିଲା। ପରେ ବହୁ ଗବେଷଣାକୁ ଆଧାରକରି ଏକ ହାଇବ୍ରିଡ୍ ଡ୍ରୋନ୍ ବିକାଶ କରିଛନ୍ତି ବିକ୍ରମ। ଉକ୍ତ ଡ୍ରୋନ୍ ପ୍ରତିକୂଳ ପରସ୍ଥିିତିରେ ଦୁର୍ଗମ ଅଞ୍ଚଳରେ ମେଡିସିନ ଓ ଭାକ୍ସିନ ଯୋଗାଇପାରୁଛି। ହିମାଚଳ ପ୍ରଦେଶର ତ୍ରିଥାନ୍ ଭାଲିରେ ଏହାର ଓ୍ୟଷଧ ଯୋଗଇବା ଦକ୍ଷତାକୁ ପ୍ରଦର୍ଶିତ କରାଯାଇଛି। ମାଇନସ୍ ୫ ଡିଗ୍ରୀ ସେଲ୍ସିୟସ ଓ ପବନର ବେଗ ଘଣ୍ଟା ପ୍ରତି ୨୫ କି.ମି. ଥିବା ସମୟରେ ମଧ୍ୟ ଏହା ଠିକ୍ ଭାବେ ଠିକଣା ସ୍ଥାନରେ ଔଷଧ ପହଞ୍ଚାଉଛି। ଉକ୍ତ ଡ୍ରୋନ୍ ୩ କେ.ଜି. ଔଷଧ ନେଇ ଘଣ୍ଟା ପ୍ରତି ୧୨୦ କି.ମି. ବେଗରେ ୧୦୦ କି.ମି. ଯାଇପାରୁଛି।