ପ୍ଲାଷ୍ଟିକ୍ ଓ ଅନ୍ୟ ବର୍ଜ୍ୟ ରିସାଇକିଲିଂ କଥା ଜାଣିଛନ୍ତି। ହେଲେ ଏବେ ସିଗାରେଟ ବୁଟ୍ ରିସାଇକିଲିଂ ହେଉଛି। ଏହା ଶୁଣି ଆଶ୍ଚର୍ଯ୍ୟ ହେଉଥିବେ, କିନ୍ତୁ ସତ। ଗୋଆର ନିରିତ ଦତ୍ତଙ୍କ ଦ୍ୱାରା ଏହା ସମ୍ଭବ ହୋଇପାରିଛି। ପରିବେଶବିତ୍ ନିରିତ ପୂର୍ବରୁ ଆଇଟି ବୃତ୍ତିରେ ଥିଲେ। ତାହାକୁ ଛାଡ଼ି ୨୦୨୧ରେ ‘ବୁଟ୍ରସ୍’ ପ୍ରତିଷ୍ଠା କରିବା ପରେ ଏହା ମାଧ୍ୟମରେ ସେ ରାସ୍ତାକଡ଼ରୁ ସିଗାରେଟ ବୁଟ୍ ସଂଗ୍ରହ କରି ତାହାକୁ ରିସାଇକିଲିଂ କରୁଛନ୍ତି। ସିଗାରେଟ ବୁଟ୍ରେ ଥିବା ସେଲୁଲୋଜ୍ ଏସିଟେଟ୍ ପରିବେଶ ଲାଗି କ୍ଷତିକାରକ। କେବଳ ଏତିକି ନୁହେଁ, ଏଥିରେ ୭,୦୦୦ ବିଷାକ୍ତ କେମିକାଲ ରହିଛି, ଯାହା ମଣିଷ ଓ ପ୍ରାଣୀଜଗତ ପକ୍ଷେ କ୍ଷତିକାରକ। ଏଣୁ ଏଭଳି କ୍ଷତିକାରକ ପ୍ରଦୂଷଣ ଦୂର କରିବା ଲାଗି ନିରିତ ଆରମ୍ଭ କରିଥିବା ଅଭିଯାନ ଭାରତରେ ପ୍ରଥମ। କୋଲ୍କାତାରୁ ଏହି ଅଭିଯାନ ଆରମ୍ଭ କରିଥିଲେ ଏବଂ ଏଥିରେ ସେ ଲୋକଙ୍କର ପୂର୍ଣ୍ଣ ସହଯୋଗ ମଧ୍ୟ ପାଇଥିଲେ। ପରେ ସେ ଦିଲ୍ଲୀ, ମୁମ୍ବାଇ ଓ ବେଙ୍ଗାଲୁରୁରେ ସିଗାରେଟ ବୁଟ୍ ସଂଗ୍ରହ କରି ତାହାକୁ ରିସାଇକିଲିଂ ପାଇଁ ପଠାଇବା ସହ ଏବେ ୯ ରାଜ୍ୟରେ ଏହି ଅଭିଯାନ ଚଳାଇଛନ୍ତି ।
ଏଥିରେ ପାଖାପାଖି ୩୦୦ ସ୍ବେଚ୍ଛାସେବୀ ସାମିଲ ହୋଇ ଏବେ ସୁଦ୍ଧା ସେମାନେ ୩ ଲକ୍ଷରୁ ଊର୍ଦ୍ଧ୍ୱ ବୁଟ୍ ସଂଗ୍ରହ କରିସାରିଲେଣି।