ଘରଚଟିଆଙ୍କ ସୁରକ୍ଷାରେ ସମର୍ପିତ ଏଡ୍ଓ୍ବିିନ ଜୋଶେଫ। ବୟସ ୭୨। ଭାରତ ଆର୍ଥ ମୁଭର୍ସ ଲିମିଟେଡ୍ରେ ଟେକ୍ନିସିଆନ ଭାବେ ଅବସର ନେବା ପରେ ସେ ଏହି କାର୍ଯ୍ୟରେ ଲାଗିଛନ୍ତି। ଜୋଶେଫ ୧୫ ବର୍ଷ ହେଲା ୨୫୦ ଘରଚଟିଆଙ୍କୁ ଖାଇବାକୁ ଦେଉଛନ୍ତି। ଏଥିପାଇଁ ଜୋଶେଫଙ୍କୁ ଘରଚଟିଆ ମଣିଷ ବୋଲି କୁହାଯାଉଛି। ସେମାନଙ୍କୁ ଖାଇବାକୁ ଦେବାକୁ ଘରେ ଫିଡର ଝୁଲାଇ ଦେଇଛନ୍ତି। ଏହାର ନିମ୍ନ ଭାଗରେ ପ୍ଲାଷ୍ଟିକ ପ୍ଲେଟ ଲଗାଇଛନ୍ତି, ଯେଉଁଥିରେ ଘରଚଟିଆ ଖାଇବା ପରେ ଖାଦ୍ୟର ଅବଶେଷାଂଶ ପଡ଼ୁଛି। ଏହା ବ୍ୟତୀତ ଚଢ଼େଇ ବସିବା ଲାଗି କାଠର ଫ୍ରେମ୍ ମଧ୍ୟ ଲଗାଇଛନ୍ତି। ଘରଚଟିଆଙ୍କୁ ମକା, ଧାନ, ରୁଟି ଏବଂ ଘରେ ରୋଷେଇ ହୋଇଥିବା ଖାଦ୍ୟ ମଧ୍ୟ ଦେଉଛନ୍ତି। ସେମାନଙ୍କୁ ଜୋଶେଫ ନିଜ ପରିବାରର ସଦସ୍ୟ ଭଳି ଦେଖୁଛନ୍ତି। ଘରଚଟିଆ ବ୍ୟତୀତ ସେ ପାରା, ବୁଲ୍ବୁଲ୍ ଆଦି ଚଢ଼େଇଙ୍କୁ ଖାଇବାକୁ ଦେଉଛନ୍ତି। କେବଳ ପକ୍ଷୀ ସୁରକ୍ଷାରେ ସୀମିତ ରହିନାହାନ୍ତି ଜୋଶେଫ, ସେ ସମାଜ ସେବା ମଧ୍ୟ ଜାରି ରଖିଛନ୍ତି। ଜୋଶେଫ ସ୍ଥାନୀୟ ସ୍କୁଲରେ ପଢ଼ାଇବା ସହ ଗରିବମାନଙ୍କୁ ମାଗଣାରେ ଖାଦ୍ୟ ଦେଉଛନ୍ତି। ଗୃହହୀନ ବୟସ୍କଙ୍କ ରହିବା ଓ ଖାଇବା ବ୍ୟବସ୍ଥା ବି କରୁଛନ୍ତି।
