ଚାଷ କାମ ସହିତ ଉଦ୍ଭାବନ ନିଶା ଜଣେ କୃଷକଙ୍କୁ ସଫଳତା ଦେଇଛି। ଗୁଜରାଟ ରାମନଗର ନିବାସୀ ୩୪ ବର୍ଷୀୟ ମହେଶ ଭୂତ୍ ଏକ ଇ-ଟ୍ରାକ୍ଟର ନିର୍ମାଣ କରିଛନ୍ତି ଯାହାକୁ ୧ ଘଣ୍ଟା ଚଳାଇଲେ ଖର୍ଚ୍ଚ ହେଉଛି ମାତ୍ର ୧୫ ଟଙ୍କା। ପୁଅର ନାମାନୁସାରେ ସେ ଏହାର ନାମ ରଖିଛନ୍ତି ‘ବ୍ୟୋମ’। ଏବେ ସେଥିରେ ତାଙ୍କ ଚାଷ ଖର୍ଚ୍ଚ ୨୫% କମ୍ ହୋଇପାରିଛି। ୨୦୧୪ରେ ପଢା ଶେଷ ହେବା ପରେ ମହେଶ ଜୈବିକ କୃଷିକୁ ଆପଣାଇଥିଲେ। ଡିଜେଲ ଚାଳିତ ଟ୍ରାକ୍ଟରରେ ଖର୍ଚ୍ଚ ଅଧିକ ହେବା ଯୋଗୁ ସେ ଏକ ବିକଳ୍ପ ଖୋଜିବାରେ ଲାଗିଲେ ଓ ଇ-ଟ୍ରାକ୍ଟର ନିର୍ମାଣ କରିବାକୁ ନିଷ୍ପତ୍ତି ନେଇଥିଲେ। ସବୁଠୁ ବଡ଼କଥା ହେଉଛି ମହେଶ ବଡ଼ ସହରରେ ରହୁଥିବା ଜଣେ ଇଞ୍ଜିନିୟର ନୁହନ୍ତି। ସେ ଗାଁରେ ରହି ୫ ଲକ୍ଷ ଟଙ୍କା ଖର୍ଚ୍ଚ କରି ଏହି ଟ୍ରାକ୍ଟର ନିର୍ମାଣ କରିଛନ୍ତି। ଏଥି ପାଇଁ ତାଙ୍କୁ ଉତ୍ତରପ୍ରଦେଶ ଶାହାଜାନପୁରରେ ଇ-ରିକ୍ସା ନିର୍ମାଣ କୌଶଳ ଶିକ୍ଷା କରିବାକୁ ପଡ଼ିଥିଲା। କେବଳ ଇ-ଟ୍ରାକ୍ଟର ନିର୍ମାଣ କରିବା ଲାଗି ସେ ଉକ୍ତ ପ୍ରଶିକ୍ଷଣ ନେଇଥିଲେ। ୨୦୨୧ରେ ପ୍ରଶିକ୍ଷଣ ଶେଷ ହେବା ପରେ ଇ-ଟ୍ରାକ୍ଟର ନିର୍ମାଣରେ ଲାଗିଗଲେ ଓ ପ୍ରାୟ ୭ ମାସ ପରେ ସଫଳତା ପାଇଲେ। ବ୍ୟାଟେରିଠାରୁ ଆରମ୍ଭ କରି ବଡ଼ି ପର୍ଯ୍ୟନ୍ତ ସବୁ କିଛି ସେ ନିଜେ ତିଆରି କରିଛନ୍ତି। ଏହା ୨୦ ଏଚ୍ପି ପାଓ୍ବାରରେ ଚାଲୁଛି ଓ ଏଥିରେ ୭୨ ଓ୍ବାଟ୍ର ଲିଥିୟମ ବ୍ୟାଟେରି ଲାଗିଛି। ଟ୍ରାକ୍ଟର ଥରେ ଚାର୍ଜ ହେବାକୁ ୪ ଘଣ୍ଟା ଲାଗୁଛି ଓ ଏଥିରେ ୧୦ ଘଣ୍ଟା ଚାଲୁଛି। ମହେଶଙ୍କ କ୍ଷେତରେ ଟ୍ରାକ୍ଟର ଚାଲୁଥିବା ସମୟରେ ବହୁ ଲୋକ ଦେଖିବାକୁ ଆସୁଛନ୍ତି। ଏବେ ଏହି ଟ୍ରାକ୍ଟର ପାଇଁ ଏବେ ଦେଶର ସବୁଆଡୁ ୨୧ଟି ଅର୍ଡର ମିଳଛିି।
