ଚରଖା ଓ ହସ୍ତତନ୍ତର ଆଦର କମି ଆସୁଥିବାବେଳେ ଏହାର ଉପଯୋଗିତାକୁ ପୁନଃ ପ୍ରତିପାଦିତ କରିଛନ୍ତି ପୁଣେର ନନ୍ଦନ ଭଟ୍ଟ। ସେ ସିଙ୍ଗଲ୍ ୟୁଜ୍ଡ ପ୍ଲାଷ୍ଟିକ ଭଳି ପଲିିଥିନ୍ ବ୍ୟାଗ, ଅଡିଓ ଓ ଭିଡିଓ କ୍ୟାସେଟ ଟେପ୍କୁ ଚରଖା ଏବଂ ହସ୍ତତନ୍ତ ମାଧ୍ୟମରେ କପଡ଼ାର ରୂପ ଦେଉଛନ୍ତି। ସେଥିରୁ ସେ ହ୍ୟାଣ୍ଡ ବ୍ୟାଗ, ହୋମ୍ ଡେକୋର୍ ସାମଗ୍ରୀ ଏବଂ ଅଫିସ ଷ୍ଟେସ୍ନାରି ଉପତ୍ାଦ ସବୁ ତିଆରି କରୁଛନ୍ତି। ଏହା ଦ୍ୱାରା ପଲିଥିନ ଯୋଗୁ ହେଉଥିବା ପରିବେଶ ପ୍ରଦୂଷଣ ହ୍ରାସ କରାଯାଇପାରୁଛି। ନନ୍ଦନ ଏହି କାର୍ଯ୍ୟ ‘ଇକୋକରି’ ସଂସ୍ଥା ଦ୍ୱାରା କରାଯାଉଛି। ଇକୋକରି ଅର୍ଥ ପରିବେଶ ଉପଯୋଗୀ କାରିଗରି। ଏଥିରେ ସେ ସ୍ଥାନୀୟ ଅଞ୍ଚଳର ୨୫ ଜଣ କାରିଗରଙ୍କୁ ନିଯୁକ୍ତି ଦେଇଛନ୍ତି। ଏଥିରୁ ସେ ମାସକୁ ୮ ଲକ୍ଷ ଟଙ୍କା ପାଉଛନ୍ତି ଓ ଏଯାବତ ୨୦ ମିଲିୟନ ବା ୨ କୋଟି ପ୍ଲାଷ୍ଟିକ ବ୍ୟାଗକୁ କପଡ଼ା ତିଆରିରେ ବ୍ୟବହାର କରିସାରିଲେଣି। ସବୁ କାର୍ଯ୍ୟ ପାରମ୍ପରିକ ପଦ୍ଧତିରେ କରାଯାଉଛି। ପ୍ଲାଷ୍ଟିକ୍ ସଂଗ୍ରହ କରିବା, ଜୀବାଣୁମୁକ୍ତ କରି ଶୁଖାଇବା ପରେ ତାହାକୁ କାଟି ପତଳା କରି ଚରଖାରେ ସୂତାଭଳି କରାଯାଉଛି ଓ ପରେ ହସ୍ତତନ୍ତରେ ବୁଣି କପଡ଼ା ରୂପ ଦିଆଯାଉଛି ଏବଂ ଏଥିରୁ ପ୍ରସ୍ତୁତ ସାମଗ୍ରୀଗୁଡ଼ିକର ମୂଲ୍ୟ ୩୦୦ ଟଙ୍କାରୁ ୩,୦୦୦ ଟଙ୍କା ରଖାଯାଇଛି।
