କ୍ୟାନ୍ସରରେ ନିଜ ଝିଅର ମୃତ୍ୟୁ ଘଟିବା ପରେ ତା’ ସ୍ବପ୍ନ ପୂରଣ କରିବା ଲାଗି କ୍ୟାନ୍ସର ରୋଗୀମାନଙ୍କୁ ସାହାଯ୍ୟ କରୁଛନ୍ତି ମୀନାକ୍ଷୀ ଧିଙ୍ଗ୍ରା। ମୀନାକ୍ଷୀଙ୍କ ଝିଅ ତନିଷା ୨୩ ବର୍ଷ ବୟସରେ ୨୦୧୬ରେ ଗୁଗଲରେ କାମ କରୁଥିବାବେଳେ ଓଭାରିଆନ କ୍ୟାନ୍ସରରେ ପୀଡ଼ିତ ହୋଇଥିଲେ ଓ ୨୦୨୧ ଡିସେମ୍ବରରେ ତାଙ୍କର ଦେହାନ୍ତ ଘଟିଥିଲା। ସେ ଏହି ରୋଗରେ ପୀଡ଼ିତ ହୋଇ ମଧ୍ୟ ତାଙ୍କ ମା’ଙ୍କ ସହ କ୍ୟାନ୍ସର ସୋସାଇଟିର ସେଚ୍ଛାସେବୀ ଭାବେ ଯୋଗ ଦେଇଥିଲେ। ସେମାନେ ଉଭୟ ବିଭିନ୍ନ ହସ୍ପିଟାଲ ଯାଇ ରୋଗୀମାନଙ୍କୁ ଭାବଗତ ସମର୍ଥନ ଦେବା ସହ ଦିଲ୍ଲୀ ଏନ୍ସିଆରରେ କ୍ୟାନ୍ସର ପୀଡ଼ିତମାନଙ୍କ ପାଇଁ ବିଭିନ୍ନ କାର୍ଯ୍ୟକ୍ରମ ଆୟୋଜନ କରିଥିଲେ। ‘ବ୍ରେକ୍ ଫ୍ରି ଫ୍ରମ୍ କ୍ୟାନ୍ସର’ କାର୍ଯ୍ୟକ୍ରମ ମାଧ୍ୟମରେ ତନିଷା ରୋଗୀମାନଙ୍କ ପାଇଁ ହସ କ୍ଲବ୍, କମେଡ଼ି ଶୋ’ ଓ ଫଟୋଶୁଟ୍ର ଆୟୋଜନ କରୁଥିଲେ। ହେୟାର ଡୋନେଶନ ଉପରେ ଗୁରୁତ୍ୱ ଦେଉଥିଲେ। ୨୦୧୭ରୁ ୨୦୧୯ ମଧ୍ୟରେ ସେ ୧୦୦୦ ରୋଗୀ ଓ ତାଙ୍କ ପରିବାରକୁ ସକାରାମତ୍କ ଭାବେ ପ୍ରଭାବିତ କରିବାକୁ ସକ୍ଷମ ହୋଇଥିଲେ। ତେବେ ତନିଷା ଆରମ୍ଭ କରିଥିବା କାର୍ଯ୍ୟକୁ ଜାରି ରଖିବା ଲାଗି ତାଙ୍କ ମା’ ମୀନାକ୍ଷୀ ‘ତନିଷା ଫାଉଣ୍ଡେଶନ’ ଗଠନ କରି ତା’ ମାଧ୍ୟମରେ ୨୫୦୦ ରୋଗୀଙ୍କୁ ସାହାଯ୍ୟ କରିସାରିଲେଣି।