ଅହମଦାବାଦର ଶିଳ୍ପା ପଟେଲଙ୍କ ପରିବାର ପରିବେଶ ଉପଯୋଗୀ କପଡ଼ା ତିଆରି କରି ପରିବେଶ ସଚେତନତାର ବାର୍ତ୍ତା ଦେଇଆସୁଛନ୍ତି। ଉକ୍ତ ପରିବାର ‘ଛାପା’ ନାମକ ପରିବେଶ ସହନୀୟ ଷ୍ଟାର୍ଟଅପ୍ ବ୍ରାଣ୍ଡ୍ରେ ଏହାକୁ ପ୍ରସ୍ତୁତ କରୁଛନ୍ତି। ଏଥିରେ ସେମାନେ ବହୁ ପୁରୁଣା ହ୍ୟାଣ୍ଡ ବ୍ଲକ୍ ପ୍ରିଣ୍ଟିଂ ଟେକ୍ନିକ୍ ବ୍ୟବହାର କରୁଛନ୍ତି। କାଠ ତିଆରି ବ୍ଲକ୍ରେ ବିଭିନ୍ନ ପଶୁଙ୍କ ରୂପ କରାଯାଇ ଏହି ପ୍ରିଣ୍ଟିଂ କରାଯାଉଛି। ପଟେଲ ପରିବାର ଉକ୍ତ କାର୍ଯ୍ୟରେ ଆଖପାଖର ୨୫ ଜଣ କାରିଗରଙ୍କୁ ମଧ୍ୟ ନିଯୁକ୍ତ କରିଛନ୍ତି। ଶିଳ୍ପା ୨୦୧୩ରେ ଛାପା ଷ୍ଟାର୍ଟଅପ୍ ପ୍ରତିଷ୍ଠା କରିଥିଲେ। ହ୍ୟାଣ୍ଡ୍ ବ୍ଲକ ପ୍ରିଣ୍ଟିଂର ପୁନରୁଦ୍ଧାର ସହ କାରିଗରମାନଙ୍କୁ ସହଯୋଗ କରିବା ଲକ୍ଷ୍ୟରେ ଏହି କାର୍ଯ୍ୟ ଜାରି ରଖିଛନ୍ତି । ଖଦି ଓ କଟନ କପଡ଼ାରେ ପ୍ରାକୃତିକ ରଙ୍ଗ ବ୍ୟବହାର କରାଯାଉଛି। ବଳି ପଡ଼ୁଥିବା ବର୍ଜ୍ୟ କପଡ଼ାର ଉପଯୋଗ କରି ପାଉଚ୍ ଓ ବ୍ୟାଗ୍ ତିଆରି କରାଯାଉଛି। ସେମାନେ ଅନ୍ୟ ବୁଣାକାରମାନଙ୍କ ସହ ଯୋଗାଯୋଗ କରି ପ୍ରିଣ୍ଟିଂ ଟେକ୍ନିକ୍କୁ ବଞ୍ଚାଇବାକୁ ପ୍ରୟାସ କରୁଛନ୍ତି। ଅହମଦାବାଦରେ ଏକ ଷ୍ଟୋର ଏବଂ ଅନ୍ଲାଇନରେ କପଡ଼ା ବ୍ୟବସାୟ କରାଯାଉଛି। ବର୍ଷକୁ ଏଥିରୁ ପଟେଲ ପରିବାର ୧.୫ କୋଟି ଟଙ୍କା ଆୟ କରୁଛନ୍ତି ଓ ଏଥିରୁ ୨୫% କାରିଗରଙ୍କୁ ଦେଉଛନ୍ତି।
