ଏବେ ମହିଳାମାନେ ସାମାଜିକ ରୂଢ଼ିବାଦୀ ମାନସିକତା ଦୃଷ୍ଟିକୋଣରୁ ବାହାରକୁ ଆସି ସଫଳତାର ନୂଆ ରେକର୍ଡ ସ୍ଥାପନ କରୁଛନ୍ତି। ଦିଲ୍ଲୀ ପରିବହନ ବିଭାଗ (ଡିଟିସି)ରେ ବସ୍ ଡ୍ରାଇଭର ଭାବେ ୧୧ ମହିଳାଙ୍କୁ ନିଯୁକ୍ତି ଦିଆଯିିବା ଏହାର ଉତ୍କୃଷ୍ଟ ଉଦାହରଣ। ଛୋଟ ସହର ଏବଂ ଗ୍ରାମରୁ ଜାତୀୟ ରାଜଧାନୀରେ ବସ୍ ଡ୍ରାଇଭର ହେବା ପର୍ଯ୍ୟନ୍ତ ସେମାନଙ୍କର ଯାତ୍ରା କେବଳ ପ୍ରଚଳିତ ରୂଢ଼ିବାଦୀ ଚିନ୍ତାଧାରାକୁ ଦୂର କରି ନାହିଁ, ବରଂ କିଛି ଭିନ୍ନ କରିବାକୁ ପ୍ରେରଣା ଯୋଗାଇଛି।
ରାଜଘାଟରେ ଅବସ୍ଥିତ ବସ୍ ଡିପୋରେ ଥିବା କେତେଜଣ ମହିଳା ଡ୍ରାଇଭର କହିଛନ୍ତି, ଆଜି ବି ସମାଜର ବହୁ ବ୍ୟକ୍ତି ରୂଢ଼ିବାଦୀ ଚିନ୍ତାଧାରା ଅନୁସରଣ କରୁଛନ୍ତି। ହେଲେ ପରିବାର ଏବଂ ସରକାରଙ୍କ ସମର୍ଥନ ମିଳିଲେ ମହିଳାମାନେ ଶୀର୍ଷରେ ପହଞ୍ଚତ୍ବା ପାଇଁ ବେଶି ସମୟ ଲାଗିବ ନାହିଁ ବୋଲି ସେମାନେ ମତପୋଷଣ କରିଛନ୍ତି। ରାଜସ୍ଥାନର ବାଡମେର ଅଞ୍ଚଳର କୋମଳ ଚୌଧୁରୀ କହିଛନ୍ତି, ତାଙ୍କ ଗ୍ରାମର ମହିଳାମାନେ ଓଢ଼ଣିରେ ରୁହନ୍ତି। ପିଲାଦିନରୁ ତାଙ୍କ ବାପା ତାଙ୍କୁ ପୁରୁଷଙ୍କ ସହିତ ଖେଳିବାକୁ ଉତ୍ସାହିତ କରିଆସୁଥିଲେ। ସେ କହୁଥିଲେ ସଂଘର୍ଷ ହେଉଛି ଜୀବନ। ଡିଟିସିରେ ମହିଳା ବସ୍ ଡ୍ରାଇଭର ନିଯୁକ୍ତି ପାଇଁ ବିଜ୍ଞାପନ ଦେଖିବା ପରେ ସେ ଅନ୍ଲାଇନ ଫର୍ମ ପୂରଣ କରିବାକୁ କହିଥିଲେ। ଚୟନ ପରେ ପ୍ରଶିକ୍ଷଣ ଏବଂ ଡ୍ରାଇଭିଂ ପରୀକ୍ଷା ମଧ୍ୟ ହୋଇଥିଲା। ଏହା ଏକ ଗର୍ବର ଅନୁଭବ। ନିଯୁକ୍ତି ଏକବର୍ଷ ପାଇଁ ଚୁକ୍ତିଭିତ୍ତିକ ଥିବା ସେ କହିଛନ୍ତି।
