ବାଇକରେ ନୂଆ ଜାଗା ବୁଲିବା ସହ ରୋଜଗାରର ନୂଆ ତରିକା ସାମ୍ନାକୁ ଆଣିଛନ୍ତି କେରଳର ଜୀବିନ ମଧୁ। ଚାକିରି ନିଶାରେ ଘର ଛାଡ଼ି ବାଇକରେ ଭାରତର ୧୦ଟି ରାଜ୍ୟ, ନେପାଳ ଓ ମ୍ୟାନ୍ମାର ବୁଲିଛନ୍ତି ୨୪ ବର୍ଷୀୟ ଜୀବିନ । ମୋଟରେ ସେ ୧ ବର୍ଷ ୪ ମାସ ଓ ୧୭ଦିନ ବୁଲିବା ଭିତରେ ନିଆରା ଶୈଳୀରେ ରୋଜଗାର କରିଛନ୍ତି। ତାଙ୍କ ୟାମା ଏଫଜେ ବାଇକରେ ଏକ ଷ୍ଟଲ୍ କରି ଦିନକୁ ୫୦୦ରୁ ୬୦୦ ଟଙ୍କା ରୋଜଗାର କରୁଥିଲେ। ଏହା ବ୍ୟତୀତ ଯେଉଁ ଜାଗାକୁ ଯାଉଥିଲେ ସେଠାରେ କିଛି ଦିନ ପାଇଁ କାମ କରି ରୋଜଗାର କରୁଥିବା ପରେ ଅନ୍ୟ ସ୍ଥାନକୁ ଯାଉଥିଲେ। ସେ ତାଙ୍କ ବାଇକ୍ର ପଛ ଟପ୍ବକ୍ସ ଉପରେ କରିଥିବା ଫୁଡ ଷ୍ଟଲ୍ରେ ବ୍ରେଡ ଓମଲେଟ, ଚା, ନୁଡଲ୍ସ ଓ କେରଳମାତା ରାଇସରେ ପ୍ରସ୍ତୁତ ଅନ୍ନ ବିକ୍ରି କରୁଥିଲେ। ଏହି ରୋଜଗାରରେ ସେ ତାଙ୍କର ସମସ୍ତ ଖର୍ଚ୍ଚ ବହନ କରିଛନ୍ତି , ଏପରି କି ବାଇକ୍ ସଜାଡ଼ିବାରେ ୧୦,୦୦୦ ଟଙ୍କା ବ୍ୟୟ କରିଛନ୍ତି। ଏହି ଟ୍ରିପ୍ରେ ଜୀବିନ ସବୁ ସ୍ଥାନର ସଂସ୍କୃତି ସହ ପରିଚିତ ହୋଇପାରିଛନ୍ତି। ଏହି ଧାରାରେ ଜୀବିନ ତାଙ୍କ ବାଇକରେ ଥାଇଲାଣ୍ଡ ଯିବା ଲାଗି ଯୋଜନା କରିଛନ୍ତି।