ସମ୍ପ୍ରତି ଆମେ ପ୍ରାୟତଃ ସ୍ମାର୍ଟଫୋନ ପାଇଁ ଲୋକଙ୍କ ମଧ୍ୟରେ ଥିବା ପାଗଳାମି ଖବର ଶୁଣିଥାଉ। କିନ୍ତୁ ପଶ୍ଚିମବଙ୍ଗରେ ଯାହା ଘଟିଛି ସେଥିରେ ଯେକୌଣସି ଲୋକ ଆଶ୍ଚର୍ଯ୍ୟ ହୋଇଯିବେ। ଏଠାରେ ଜଣେ ୧୬ ବର୍ଷ ବୟସ୍କା ନାବାଳିକା ନିଜର ରକ୍ତ ବିକ୍ରି କରି ସ୍ମାର୍ଟଫୋନ କିିଣିବା ଲାଗି ବାଲୁରଘାଟ ଜିଲା ଡାକ୍ତରଖାନାର ବ୍ଲଡ୍ ବ୍ୟାଙ୍କରେ ପହଞ୍ଚିଥିଲେ। ନାବାଳିକାଙ୍କ ବାପା ପରିବା ବିକ୍ରି କରନ୍ତି ଓ ମା’ ଗୃହିଣୀ। ସମ୍ପର୍କୀୟଙ୍କ ମୋବାଇଲରୁ ସେ ୯ ହଜାର ଟଙ୍କାର ସ୍ମାର୍ଟଫୋନ୍ ଲାଗି ଅର୍ଡର କରିବା ପରେ ସେହି ଟଙ୍କା ଯୋଗାଡ଼ କରିବା ସକାଶେ ଏଭଳି ପଦକ୍ଷେପ ନେଇଥିଲେ। ସେ ପଢ଼ିବାକୁ ଯିବା ବାହାନାରେ ଘରୁ ବାହାରି ଡାକ୍ତରଖାନାରେ ପହଞ୍ଚତ୍ଥିଲେ। ସେ ରକ୍ତ ସଂଗ୍ରହ କରିବାକୁ ଆସିଥିବା ପ୍ରଥମେ ଅନୁମାନ କରାଯାଉଥିଲା, କିନ୍ତୁ ତାଙ୍କ ସହିତ କିଛି ସମୟ କଥା ହେବା ପରେ ଜଣାପଡ଼ିଥିଲା ଯେ, ସେ ସ୍ମାର୍ଟଫୋନ କିଣିବା ଲାଗି ରକ୍ତ ବିକ୍ରି କରିବାକୁ ଚାହଁୁଛନ୍ତି। ବ୍ଲଡ୍ ବ୍ୟାଙ୍କର ଅଧିକାରୀମାନେ ଏହା ଜାଣିବା ମାତ୍ରେ ଚାଇଲ୍ଡ ଲାଇନକୁ ଏ ସମ୍ପର୍କରେ ଜଣାଇଥିଲେ। ପରେ ତାଙ୍କୁ ଜିଲା ଶିଶୁ କଲ୍ୟାଣ କମିଟି ମାଧ୍ୟମରେ ତାଙ୍କ ମାତାପିତାଙ୍କ ନିକଟକୁ ପଠାଯାଇଥିଲା।