୧୭ ବର୍ଷ ବୟସରେ ଏକ ରୋବୋ ନିର୍ମାଣ କରି ନିଜ ପ୍ରତିଭାର ପରିଚୟ ଦେଇଛନ୍ତି କାନପୁରର ମହମ୍ମଦ ସୟଦ ଛାଥୋଥ୍। ସେ ଏବେ ଇ.କେ.ନାୟାନାର ମେମୋରିଆଲ ଗଭର୍ନମେଣ୍ଟ ଆୟର ସେକେଣ୍ଡାରୀ ସ୍କୁଲ, ଭେଙ୍ଗାଡର ଦ୍ୱାଦଶ ଶ୍ରେଣୀ କମ୍ପ୍ୟୁଟର ବିଜ୍ଞାନ ଛାତ୍ର। ୨୦୧୯ରେ କାନପୁର ରେସ୍ତୋରାଁରେ ଏକ ରୋବୋ ଖାଦ୍ୟ ପରଷୁ ଥିବା ସମୟରେ ସୟିଦ ତାହା ଦେଖିଥିଲେ। ପରେ ମା’ଙ୍କୁ ଘର କାମରେ ସହଯୋଗ କଲାଭଳି ସମାନ ଧରଣର ଏକ ରୋବୋ ତିଆରି କରିବା ଲାଗି ସେ ନିଷ୍ପତ୍ତି ନେଇଥିଲେ। ପରେ ସେ ଅନେକ ଭିଡିଓ ଅନୁସରଣ କରି ତାହାର ନିର୍ମାଣ ସମ୍ପର୍କିତ ଜ୍ଞାନ ହାସଲ କରିଥିଲେ। ଏକ ବର୍ଷ ମଧ୍ୟରେ ତାହାର ଏକ ମଡେଲ ବି ପ୍ରସ୍ତୁତ କରିନେଲେ। ପରେ ପୂର୍ଣ୍ଣାଙ୍ଗ ରୂପ ଦେଇ ରୋବୋ ନାମ ରଖିଛନ୍ତି ‘ପାଟୋଟି’। ଏହା ତାଙ୍କ ପରିବାରକୁ ପ୍ରତିଦିନ ସକାଲୁ ଉଠାଇ ଦେଉଛି। ଯଦି କଫି ପ୍ରସ୍ତୁତ ହୋଇଥାଏ ତେବେ ତାହାକୁ ନେଇ ବେଡ ରୁମରେ ଦେଇ ଆସୁଛି। ଏହା ଅତିବେଶିରେ ୬କେ.ଜି. ଜିନିଷ ନେଇପାରୁଛି। ଏବେ ସୟିଦ ତାଙ୍କ ଶ୍ରେଣୀ ସାଥୀମାନଙ୍କ ସହ ଅଟୋମେଶନ ରୋବୋଟିକ୍ ଷ୍ଟାର୍ଟଅପ୍ ଆରମ୍ଭ କରିବାକୁ ଯୋଜନା କରିଛନ୍ତି। ସୟିଦ ଉକ୍ତ ରୋବୋକୁ ମାତ୍ର ୧୦,୦୦୦ ଟଙ୍କାରେ ନିର୍ମାଣ କରିଛନ୍ତି। ଏହାକୁ ନିର୍ମାଣ କରିବା ପୂର୍ବରୁ ସେ ଲାଇଟ, ଫ୍ୟାନ ଓ ଅନ୍ୟ ଇଲେକ୍ଟ୍ରିକାଲ ଉପକରଣଗୁଡ଼ିକର ନିୟନ୍ତ୍ରଣ ଲାଗି ଏକ ମୋବାଇଲ ଆପ୍ଲିକେଶନ ବିକାଶ କରିଥିଲେ।