ଏଇ ଭାରତରେ
9:53 amOctober 29, 2022October 29, 2022 / 21

ପେସାରେ ବ୍ୟବସାୟୀ, କିନ୍ତୁ ପ୍ରାଣୀ ଉଦ୍ଧାର ତାଙ୍କ ନିଶା। ଏମିତି ଜଣେ ବ୍ୟକ୍ତି ହେଉଛନ୍ତି ଗୋଆର ଅତୁଲ ସରିନ। ସେ ବୁଲାଗୋରୁ, କୁକୁର, ବିଲେଇ ଏପରି କି ପକ୍ଷୀମାନଙ୍କୁ ମଧ୍ୟ ଉଦ୍ଧାର କରୁଛନ୍ତି। ଏବେ ସୁଦ୍ଧା ସେ ୧୫,୦୦୦ ପ୍ରାଣୀଙ୍କୁ ଉଦ୍ଧାର କରିସାରିଲେଣି। ଅତୁଲ ଉତ୍ତର ଗୋଆର ସିଓଲିମ୍‌ ଟାଉନ୍‌ରେ ସେ ରହନ୍ତି। ପ୍ରଥମେ ତାଙ୍କ ପରିବାର କେନିଆରେ ରହୁଥିଲେ ଏବଂ ପରେ ଇଂଲଣ୍ଡକୁ ଯାଇଥିଲେ। ସେଠାରେ ସେ ମଧ୍ୟ ପାରିବାରିକ ବ୍ୟବସାୟରେ ନିଜକୁ ସାମିଲ କରିଥିଲେ। କିନ୍ତୁ ୨୦୦୫ରେ ପରିବାର ସହ ସେ ଭାରତ ଫେରି ସିଓଲିମ୍‌ରେ ରହିଲେ। ସେଠାରେ ବୁଲା କୁକୁରଙ୍କୁ ପ୍ରତିଦିନ ଖାଇବାକୁ ଦେବା ସହ ଆହତ ପ୍ରାଣୀଙ୍କ ଚିକିତ୍ସା ଆରମ୍ଭ କରିଥିଲେ। ୨୦୧୨ରେ ସେ ଓ୍ବେଲ୍‌ଫେୟାର ଫର୍‌ ଆନିମଲ ଇନ୍‌ ଗୋଆ(ଡବ୍ଲ୍ୟୁଏଜି) ଏନ୍‌ଜିଓ ପଞ୍ଜୀକରଣ କରିବା ପରେ ବୁଲା କୁକୁରଙ୍କ ସହ ଗୋରୁ, ବିଲେଇ ଓ ପକ୍ଷୀମାନଙ୍କୁ ଉଦ୍ଧାର କରୁଛନ୍ତି। ସେ ୫,୦୦୦ ଗାଈଙ୍କୁ ନେଇ ଆଶ୍ରୟସ୍ଥଳରେ ରଖିଛନ୍ତି। ଡବ୍ଲ୍ୟୁଏଜି ଗୋରୁ, କୁକୁର, ଛେଳି, ଘୁଷୁରି, ବିଲେଇ ଓ ପକ୍ଷୀ ଆଦି ପ୍ରାୟ ୧୫,୦୦୦ ପଶୁପକ୍ଷୀଙ୍କୁ ଉଦ୍ଧାର ସହ ବିଭିନ୍ନ ସ୍ଥାନରେ ‘ଅତୁଲ ହାଉସ’ ନିର୍ମାଣ କରି ସେଥିରେ ରଖିଛନ୍ତି। ପ୍ରାଣୀମାନଙ୍କ ଚିକିତ୍ସା ପାଇର୍ଁ ଭେଟେରିନାରି ରେସ୍‌କ୍ୟୁ କ୍ଲିନିକ୍‌ ଖୋଲିିଛନ୍ତି।