ବର୍ଜ୍ୟ ପରିଚାଳନା ଆରମ୍ଭ ହେବ ଘରୁ, ଏ ବାଟ ବତାଇଛନ୍ତି ଇଣ୍ଡଷ୍ଟ୍ରିଆଲ ଡିଜାଇନର ତଥା ସୋସିଆଲ ଏଣ୍ଟର୍ପ୍ରିନ୍ୟୁୟର୍ ପୁନମ୍ ବୀର କସ୍ତୁରୀ। ସେ ଏକ ନୂଆ କମ୍ପୋଷ୍ଟର୍ ନିର୍ମାଣ କରିଛନ୍ତି। ଏଥିରେ ଘରର ସବୁ ବର୍ଜ୍ୟକୁ ଖତ କରାଯାଇପାରୁଛି ବିନା ଦୁର୍ଗନ୍ଧରେ। କମ୍ ଓଜନ ବିଶିଷ୍ଟ ଏହି କମ୍ପୋଷ୍ଟର୍କୁ ରଖାଯାଉଥିବା ସ୍ଥାନ ମଧ୍ୟ ଅପରିଷ୍କାର ହେଉନାହିଁ। ଏହା ରିସାଇକ୍ଲିଂଯୋଗ୍ୟ ୟୁଭି ପ୍ଲାଷ୍ଟିକରେ ନିର୍ମିତ। ଏହାର ନାମ ରଖିଛନ୍ତି ଟେରାବାଇଟ୍ ହୋମ୍ କମ୍ପୋଷ୍ଟର। ଏହାକୁ ବାଲ୍କୋନି କିମ୍ବା ଝରକା ପାଖରେ ରଖାଯାଇପାରିବ। ଏଥିରେ ୩୦ ଦିନ ମଧ୍ୟରେ ଖତ ପ୍ରସ୍ତୁତ ହୋଇପାରୁଛି। ଦିନକୁ ଏଥିରେ ୨ କେଜି ବର୍ଜ୍ୟ ଧାରଣ କରିବାର କ୍ଷମତା ରହିଛି। ଏହାର ଦାମ୍ ରଖିଛନ୍ତି ୧୯,୯୯୯ ଟଙ୍କା। ପୁନମ୍ ପରିବେଶ ଉପଯୋଗୀ ‘ଡେଲି ଡମ୍ପ୍’ ଅନ୍ଲାଇନ ଷ୍ଟୋର୍ ପ୍ରତିଷ୍ଠା କରି କମ୍ପୋଷ୍ଟର ନିର୍ମାଣ କରିବା ସହ ଲୋକଙ୍କୁ ଯୋଗାଉଛନ୍ତି। ସେ ନିଜକୁ କମ୍ପୋଷ୍ଟଓ୍ବାଲି ବୋଲି ପରିଚୟ ଦିଅନ୍ତି। ୨୦୦୬ରୁ ବିଭିନ୍ନ ପ୍ରକାର କମ୍ପୋଷ୍ଟିଂ ଉପତ୍ାଦ ଉପରେ ପରୀକ୍ଷା କରିଆସୁଛନ୍ତି। ଏବେ ତାଙ୍କ ପାଖରେ ଗୋବଲ କମ୍ପୋଷ୍ଟ କିଟ୍, ରଙ୍ଗୋଲି ଫ୍ଲାଓ୍ବାର କମ୍ପୋଷ୍ଟର, ଲିଫ୍ କମ୍ପୋଷ୍ଟ ଆଦି ଉପଲବ୍ଧ।