ପ୍ରଦୂଷିତ ପରିବେଶ ସୁରକ୍ଷା ଲାଗି ଯେଉଁ କେତେଜଣ ମହତ୍ତ୍ୱାକାଂକ୍ଷୀ ପଦକ୍ଷେପ ନେଉଛନ୍ତି, ସେମାନଙ୍କ ମଧ୍ୟରେ ମହାରାଷ୍ଟ୍ରର ସାରା ଲକ୍ଷାନି ଅନ୍ୟତମ। ଗଡ଼ଚିରୋଲିରେ ଜନ୍ମିତ ସାରା ବର୍ଜ୍ୟ ପ୍ଲାଷ୍ଟିକ ବ୍ୟାଗ୍ କିମ୍ବା ପଲିଥିନ୍ରୁ ସୂକ୍ଷ୍ମ ସୂତା ପ୍ର୍ରସ୍ତୁତ କରିବା ସହ ସେଥିରେ ସବୁଠୁ ପୁରୁଣା କନ୍ଥା ଏମ୍ବ୍ରୋଡୋରି ବ୍ୟବହାର କରି ଆକର୍ଷଣୀୟ ପୋଷାକ ତିଆରି କରୁଛନ୍ତି। ଉକ୍ତ ଏମ୍ବ୍ରୋଡୋରିରେ ପତ୍ର, ପକ୍ଷୀ, ଲୋଟସ୍ ଆଦିର ଛବି ରହୁଛି। ସାରାଙ୍କ ଏହି ଡିଜାଇନ ପୋଷାକ ଏବେ ଲାକ୍ମି ଫ୍ୟାଶନ ଓ୍ବିକ୍ରେ ପ୍ରଦର୍ଶିତ ହୋଇଛି। ସେ ଟପ୍, ଶାର୍ଟ, ଆଉଟର ଜ୍ୟାକେଟ ଓ ଅନ୍ୟ ପୋଷାକ ଆଦି ତିଆରି କରୁଛନ୍ତି। ସେ ଏନ୍ଜିଓ ମାଧ୍ୟମରେ ପ୍ଲାଷ୍ଟିକ ସଂଗ୍ରହ କରୁଛନ୍ତି ଓ ରିସାଇକ୍ଲିଂ କରି ସେଥିରୁ ସୂତା ବାହାର କରୁଛନ୍ତି। ଏହା ବ୍ୟତୀତ ମୁମ୍ବାଇର ଖାଲୁମ ଏନ୍ଜିଓ ଦ୍ୱାରା ବର୍ଜ୍ୟ କନା ସଂଗ୍ରହ କରି ସେଥିରୁ ପ୍ରସ୍ତୁତ ସୂତାକୁ ପୋଷାକରେ ବ୍ୟବହାର କରୁଛନ୍ତି। ଏହି ପୋଷାକ ବି ଅପସାଇକେଲ୍ କରାଯାଇପାରିବ ବୋଲି କହିଛନ୍ତି ସାରା। ସୁଦ୍ଧା ଦେଶରେ ପାଖାପାଖି ୩୫ ଲକ୍ଷ ଟନ୍ ପ୍ଲାଷ୍ଟିକ ଉପତ୍ାଦନ ହେଉଛି। ବାହାରେ ଠୁଳ ହେଉଥିବା ବଳକା ପ୍ଲାଷ୍ଟିକ ବର୍ଜ୍ୟ ଯୋଗୁ ପରିବେଶ ପ୍ରଦୂଷଣ ବଢୁଛି। ଏଭଳି ସ୍ଥିତିକୁ ଲକ୍ଷ୍ୟ କରି ସାରା ତାହାକୁ ରିସାଇକ୍ଲିଂ କରିବାକୁ ନିଷ୍ପତ୍ତି ନେଇଥିଲେ।