ବର ବିବାହ ପରେ ଆନନ୍ଦରେ ଘରକୁ ଫେରିବା ବଦଳରେ ରାସ୍ତା ନିର୍ମାଣ ଲାଗି ଧାରଣାରେ ବସିଥିବା ଘଟଣା ଏବେ ଦେଖିବାକୁ ମିଳିଛି ଉତ୍ତରାଖଣ୍ଡରେ। ପ୍ରକୃତ ଘଟଣା ହେଲା, ରାସ୍ତା ଖରାପ ଯୋଗୁ ବର ଜଣକ ବିବାହ ପାଇଁ କନ୍ୟାଘରେ କଷ୍ଟେମଷ୍ଟେ ପହଞ୍ଚତ୍ଥିଲେ। ଏଣୁ ବିବାହ ପରେ ଧାରଣାରେ ବସିବା ଲାଗି ନିଷ୍ପତ୍ତି ନେଇଥିଲେ। ଉକ୍ତ ଘଟଣା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ହୈଡାଖାନ୍ଠାରୁ ରିଠାସାହିବ ପର୍ଯ୍ୟନ୍ତ ରାସ୍ତା ଖରାପ ହୋଇ ଯାଇଥିବାରୁ ତାହାକୁ ୨୦ ଦିନ ଧରି ବନ୍ଦ ରଖାଯାଇଥିଲା। ଏହା ଉପରେ ଯାତାୟାତ ବନ୍ଦ ରହିବା ଦ୍ୱାରା ପ୍ରାୟ ୨୦୦ ଗାଁକୁ ଯିବା ଆସିବାରେ ସମସ୍ୟା ଉପୁଜୁଥିଲା। ଏନେଇ ଲୋକେ ବାରମ୍ବାର ପ୍ରଶାସନର ଦ୍ୱାରସ୍ଥ ହେବାପରେ ମଧ୍ୟ କୌଣସି ସୁଫଳ ମିଳି ନ ଥିଲା। ବିବାହ କରିବାକୁ ଆସି ବରଙ୍କୁ ମଧ୍ୟ ବରଯାତ୍ରୀଙ୍କ ସହିତ ପାଦରେ ଚାଲିଚାଲି କନ୍ୟାଘରେ ପହଞ୍ଚତ୍ବାକୁ ପଡ଼ିଥିଲା। ଏନେଇ ସ୍ଥାନୀୟ କଂଗ୍ରେସ ନେତା ୟଶପାଲ ଆର୍ଯ୍ୟ ଧାରଣାରେ ବସିଥିଲେ। ବର କନ୍ୟାଘରୁ ଫେରିବା ସମୟରେ କଂଗ୍ରେସ ନେତାଙ୍କ ସହିତ ଧାରଣାରେ ବସି ଯାଇଥିଲେ। ଏହି ଖବର ପ୍ରଚାରିତ ହେବା ପରେ ପ୍ରଶାସନ ପକ୍ଷରୁ ରାସ୍ତାରେ ଜମା ହୋଇଥିବା ମାଟି ହଟାଇବା କାର୍ଯ୍ୟ ଆରମ୍ଭ ହୋଇଥିଲା।