ବହୁ ସମୟରେ ତୃଣମୂଳ ସ୍ତରରେ ଲୋକେ ବୈଜ୍ଞାନିକଙ୍କ ଭଳି କିଛି ଉଦ୍ଭାବନ କରନ୍ତି, ଯାହା ସେମାନଙ୍କୁ ଏକ ସ୍ବତନ୍ତ୍ର ପରିଚୟ ଦେଇଥାଏ। ଏଭଳି ପରିଚୟ ଆଣିପାରିଛନ୍ତି ତାମିଲନାଡ଼ୁର ଚାଷୀ ପି.ଏମ୍. ମୁରୁଗେସାନ। ସେ ଏକ ମେଶିନ ଉଦ୍ଭାବନ କରିଛନ୍ତି, ଯେଉଁଥିରେ କଦଳୀ ବର୍ଜ୍ୟରୁ ଦଉଡ଼ି ତିଆରି କରି ବର୍ଷକୁ ୧.୫ କୋଟି ଟଙ୍କା ରୋଜଗାର କରିବାକୁ ସକ୍ଷମ ହୋଇଛନ୍ତି। ସେ ଅଧାରୁ ପାଠ ଛାଡ଼ି ଚାଷରେ ତାଙ୍କ ବାପାଙ୍କୁ ସାହାଯ୍ୟ କରିବା ସମୟରେ କିଛି ନୂତନତ୍ୱ ଆଣିବା ଲାଗି ଚିନ୍ତା କରିଥିଲେ। ସେତେବେଳେ ସେ ଅନେକ ଟନ୍ କଦଳୀ ବର୍ଜ୍ୟ ପୋଡ଼ି ଦେଉଥିଲେ। ଏଣୁ ଏହାର ସଦୁପଯୋଗ କରିବା ଲାଗି ଚିନ୍ତା କରି ସେଥିରୁ ଦଉଡ଼ି ତିଆରି କରିବାର ଯୋଜନା ଆରମ୍ଭ କରିଥିଲେ ୨୦୦୮ରେ। ପରେ ୧.୫ ଲକ୍ଷ ଟଙ୍କା ବ୍ୟୟରେ ଏକ ମେଶିନ ନିର୍ମାଣ କରି ତାହାକୁ ପାଣ୍ଟେଟ କରିଥିଲେ। ଏବେ ଗୋଟିଏ ମେଶିନ୍ରେ ଦିନକୁ ୧୫ ହଜାର ମିଟର ଦଉଡ଼ି ତିଆରି ହୋଇପାରୁଛି। ଅଧିକ ମେଶିନ ନିର୍ମାଣ କରି ଏବେ ଉକ୍ତ କାର୍ଯ୍ୟରେ ୩୫୦ ଜଣ ଲୋକଙ୍କୁ ନିଯୁକ୍ତ କରିଛନ୍ତି। ମଦୁରାଇରେ ପ୍ରତିଷ୍ଠା କରିଥିବା ଏମ୍ଏସ୍ ରୋପ୍ସ ପ୍ରଡକ୍ସନ ସେଣ୍ଟର କରି ବର୍ଷକୁ ପାଖାପାଖି ୫୦୦ ଟନ୍ କଦଳୀ ବର୍ଜ୍ୟ ପ୍ରୋସେସିଂ କରି ସେଥିରୁ ୧.୫ କୋଟି ଟଙ୍କା ରୋଜଗାର କରିପାରୁଛନ୍ତି।