ଲୋକଙ୍କୁ ସଚେତନ କରିବା ଲାଗି ରାମଭାଇ ଚରଣ ୫୦,୦୦୦ ଚିଠି ଲେଖି ଏକ ଉଦାହରଣ ସୃଷ୍ଟି କରିଛନ୍ତି। ଗୁଜରାଟର ସାବରକନ୍ଥ ଜିଲାର ଏକ ପ୍ରାଥମିକ ବିଦ୍ୟାଳୟରେ ସେ ଶିକ୍ଷକ ଥିଲେ। ଏବେ ଅବସର ନେଇସାରିଛନ୍ତି। ତାଙ୍କୁ ବର୍ତ୍ତମାନ ବୟସ ୬୨। ରାମଭାଇ ୧୦ ବର୍ଷ ବୟସରୁ ଗଛ ଲଗାଉଛନ୍ତି। ଏବେସୁଦ୍ଧା ସେ ୫ ଲକ୍ଷ ବୃକ୍ଷରୋପଣ କରିସାରିଲେଣି। ବନ୍ଧୁ ଓ ସମ୍ପର୍କୀୟ ତଥା ଜିଲାର ଅପରିଚିତ ବ୍ୟକ୍ତିଙ୍କ ଠିକଣା ଯୋଗାଡ଼ କରି ସେମାନଙ୍କ ନିକଟକୁ ସେ ପ୍ରତିଦିନ ଅତି କମ୍ରେ ୨୦ଟି ଚିଠି ପୋଷ୍ଟକାର୍ଡରେ ଲେଖୁଛନ୍ତି। ଚିଠି ଶେଷରେ ସେମାନଙ୍କ ମଙ୍ଗଳ କାମନା କରିବା ସହ ଜଳ ସଂରକ୍ଷଣ ଏବଂ ବୃକ୍ଷରୋପଣ କରିବାକୁ ଅନୁରୋଧ କରିଥାନ୍ତି। ୧୯୮୫ରେ ପ୍ରଥମେ ସେ ଏକ ପୋଷ୍ଟକାର୍ଡ କିଣି ତାଙ୍କ ଭଉଣୀଙ୍କ ପାଖକୁ ପଠାଇଥିବା ଚିଠିରେ ଏହି ତିନୋଟି ବାକ୍ୟ ଲେଖିଥିଲେ। ଖବରକାଗଜରେ ପ୍ରକାଶିତ ଜନ୍ମଦିନ କିମ୍ବା ବିବାହ ଉତ୍ସବକୁ ସ୍କାନ କରି ସେମାନଙ୍କ ନିକଟକୁ ଏହି ଉତ୍ସବରେ ଗୋଟିଏ ଗଛ ଲଗାଇବା ଲାଗି ଅନୁରୋଧ କରୁଛନ୍ତି। ଏପରିକି ଶୋକବାର୍ତ୍ତା ପ୍ରକାଶ ପାଇଥିଲେ ବି ତାଙ୍କ ନିକଟକୁ ସମବେଦନା ପ୍ରକାଶ କରି ଚିଠି ଲେଖିବା ସହ ଦିବଂଗତ ଆମତ୍ା ପାଇଁ ଗୋଟିଏ ଗଛ ଲଗାଇବାକୁ ଅନୁରୋଧ କରିଥାନ୍ତି।