ଜାଣି ଜାଣି ଆଶ୍ଚର୍ଯ୍ୟ ହେବେ ଯେ, ବର୍ଷ କି ଦୁଇ ବର୍ଷ ନୁହେଁ ତାରିଖ ପରେ ତାରିଖ ଗଡ଼ି ୭୦ ବର୍ଷ ଧରି ବିଚାରାଧୀନ ରହିଛି ମହାରାଷ୍ଟ୍ରର ଏକ ମାମଲା। ୭୦ ବର୍ଷ ତଳେ ଯେତେବେଳେ ଏହି ମାମଲା ଦାଏର କରାଯାଇଥିଲା, ସେତେବେଳେ ବର୍ତ୍ତମାନ ସୁପ୍ରିମକୋର୍ଟର କାର୍ଯ୍ୟ କରୁଥିବା କୌଣସି ବିଚାରପତି ଜନ୍ମ ହୋଇ ନ ଥିଲେ। ଏବେ ସୁପ୍ରିମକୋର୍ଟରେ ୨୭ ଜଣ ବିଚାରପତିଙ୍କ ମଧ୍ୟରୁ ଜଷ୍ଟିସ ଏସ୍ସି ଗୁପ୍ତାଙ୍କ ବୟସ ସର୍ବାଧିକ। ୧୫ ମେ ୧୯୫୮ରେ ଜଷ୍ଟିସ ଗୁପ୍ତା ଜନ୍ମ ଗ୍ରହଣ କରିଥିଲେ। ଏହି ଆପରାଧିକ ମାମଲା ମହାରାଷ୍ଟ୍ରର ରାୟଗଡ଼ ପୋଲିସ ଦ୍ୱାରା ୧୮ ମଇ ୧୯୫୩ରେ ପଞ୍ଜୀକୃତ ହୋଇଥିଲା। ଅର୍ଥାତ୍ ଜଷ୍ଟିସ ଗୁପ୍ତାଙ୍କ ଜନ୍ମଠାରୁ ଉକ୍ତ ଆପରାଧିକ ମାମଲା ୫ ବର୍ଷର ପୁରୁଣା। ଆର୍ଶ୍ଚ୍ୟର କଥା ଉକ୍ତ ମାମଲା ୯ ଫେବୃୟାରୀରେ ଶୁଣାଣି ହେବା ଲାଗି ତାରିଖ ଧାର୍ଯ୍ୟ ହୋଇଛି।