ଡାକ୍ତର ହେବ ତ ଏମିତି, ଯାହା କରୁଛନ୍ତି ଆନ୍ଧ୍ର ପ୍ରଦେଶର ବିନ୍ଦୁ ମେନନ । ଗୋଟିଏ ପଟେ ଚାକିରି ଓ ଅନ୍ୟ ପକ୍ଷରେ ମାଗଣା ରୋଗୀସେବା କରୁଛନ୍ତି ଡା.ବିନ୍ଦୁ। ସେ ନେଲୋରର ନାରାୟଣ ମେଡିକାଲ କଲେଜ ଆଣ୍ଡ୍ ହସ୍ପିଟାଲରେ ନ୍ୟୁରୋଲୋଜି ବିଭାଗରେ କାର୍ଯ୍ୟରତ। ନିଜର ଦାୟିତ୍ୱ ପରେ ସେ ଭ୍ରାମ୍ୟମାଣ ଚିକିତ୍ସା ସେବା ଯୋଗାଉଛନ୍ତି। ସେ ନେଲୋର ଜିଲାର ଦୁର୍ଗମ ଗାଁଗୁଡ଼ିକୁ ଯାଇ ଅପସ୍ମାର, ଷ୍ଟ୍ରୋକ୍ ଓ ନ୍ୟୁରୋଲୋଜି ସମସ୍ୟାର ଚିକିତ୍ସା କରୁଛନ୍ତି। ଗାଡ଼ିରେ ସବୁପ୍ରକାର ଚିକିତ୍ସା ବ୍ୟବସ୍ଥା କରାଯାଇଛି। ୨୦୧୫ରୁ ସେ ‘ନ୍ୟୁରୋ ଅନ୍ ହ୍ବିଲ୍ସ’ ନାମରେ ଏହି ଅଭିଯାନ ଚଳାଇଛନ୍ତି। ଏବେ ସୁଦ୍ଧା ସେ ୪୪ଟି ଗାଁରେ ୨୦୦ଟି ମେଡିକାଲ କ୍ୟାମ୍ପ୍ କରି ମାଗଣା ଚିକିତ୍ସା ଯୋଗାଇ ଦେଇସାରିଲେଣି। ସେ ପ୍ରାୟ ୧୨,୦୦୦ ଲୋକଙ୍କୁ ନ୍ୟୁରୋ ସମସ୍ୟା, ଷ୍ଟ୍ରୋକ୍ , ଅପସ୍ମାର ଏବଂ ଡାଇବେଟିସ ସମ୍ପର୍କରେ ସଚେତନ ମଧ୍ୟ କରିଛନ୍ତି। ଡା.ବିନ୍ଦୁ ପ୍ରତି ୩ ମାସରେ ଗାଁକୁ ଯାଉଛନ୍ତି ଓ ତାଙ୍କ ଚିକିତ୍ସା କାର୍ଯ୍ୟକ୍ରମ ଚଳାଉଛନ୍ତି। ଦୁର୍ଗମ ଅଞ୍ଚଳରେ ରୋଗୀମାନେ ଅଧିକ ଚିକିତ୍ସା ଚାହଁୁଥିଲେ ସେମାନଙ୍କୁ ବିନା ଖର୍ଚ୍ଚରେ ସହରର ହସ୍ପିଟାଲକୁ ଆଣୁଛନ୍ତି। ଏହାବ୍ୟତୀତ ଗାଁ ନିକଟସ୍ଥ ପିଏଚ୍ସିଗୁଡ଼ିକରେ ଥିବା ଡାକ୍ତରମାନଙ୍କୁ ଚିକିତ୍ସା ସମ୍ପର୍କରେ ଅବଗତ କରିବା ସହ ରୋଗୀମାନଙ୍କ ପାଇଁ ସେଠାରେ ଚିକିତ୍ସାର ବ୍ୟବସ୍ଥା କରୁଛନ୍ତି।