ନିଜେ ସ୍ବାବଲମ୍ବୀ ହୋଇ ଅନ୍ୟମାନଙ୍କୁ ଜୀବିକା ଯୋଗାଇବାରେ ଜୀବନ ସାର୍ଥକ ହୁଏ ବୋଲି ଉପଲବ୍ଧି କରିଛନ୍ତି ମଧ୍ୟପ୍ରଦେଶର ପ୍ରତିଭା ତିଓ୍ବାରୀ। ସେ ଭୋପାଳରେ ଅନେକ ବର୍ଷ ଗଣିତ ଶିକ୍ଷକ ଭାବେ କାର୍ଯ୍ୟକରିବା ପରେ ଜୈବିକ କୃଷିକୁ ଆପଣାଇଥିଲେ। ପ୍ରତିଭା ଚାକିରି ଛାଡ଼ିବା ପରେ ରାଜ୍ୟ ସରକାରଙ୍କ କୃଷିବିଭାଗ ଦ୍ୱାରା ଆୟୋଜିତ ଜୈବିକ କୃଷି ସମ୍ପର୍କରେ ପ୍ରଶିକ୍ଷଣ ନେବା ପରେ ୨୦୧୬ରେ ଚାଷ ଆରମ୍ଭ କରିଥିଲେ। ଏବେ ସେ ଜୈବିକ କୃଷି ଉପତ୍ାଦରୁ ଜୈବିକ ଖାଦ୍ୟ ପ୍ରସ୍ତୁତ କରି ଅନେକ କୋଟି ଟଙ୍କାର ବିଜ୍ନେସ ଚଳାଉଛନ୍ତି। ‘ଭୂମିକା ଅର୍ଗାନିକ୍ସ’ ନାମରେ ଫୁଡ୍ ବ୍ରାଣ୍ଡ ଆରମ୍ଭ କରି ୭୦ ପ୍ରକାର ଉପତ୍ାଦ ଭୋପାଳ, ଦିଲ୍ଲୀ ଓ ମୁମ୍ବାଇରେ ବିକ୍ରି କରୁଛନ୍ତି। ବଡ଼କଥା ହେଉଛି, ସେ ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ଼ ଓ ମହାରାଷ୍ଟ୍ରରେ ପାଖାପାଖି ୧୨୦୦ କୃଷକଙ୍କୁ ଜୈବିକ କୃଷି ସହ ଯୋଡ଼ି ସେମାନଙ୍କ ଆୟ ୨ ଗୁଣ ବୃଦ୍ଧି କରିପାରିଛନ୍ତି। ପ୍ରତିଭା କୃଷକମାନଙ୍କ ଉପତ୍ାଦକୁ ବିନା ମଧ୍ୟସ୍ଥରେ ସଂଗ୍ରହ କରୁଛନ୍ତି।