ପରୀକ୍ଷା ଖାତାରେ ଜଣେ ଉତ୍ତର ଲେଖିଲେ ତାଙ୍କୁ ନମ୍ବର ମିଳେ। କିନ୍ତୁ ବହୁ ସମୟରେ ଦେଖାଯାଏ ଛାତ୍ରୀଛାତ୍ରମାନେ ପରୀକ୍ଷା ଖାତା ଫାଙ୍କା ଛାଡ଼ିଦେଇଥାନ୍ତି କିମ୍ବା ଏଥିରେ ଅନେକ ଭୁଲ୍ ଉତ୍ତର ଲେଖିପକାନ୍ତି। କିନ୍ତୁ ଚଣ୍ଡିଗଡ଼ ବିଶ୍ୱବିଦ୍ୟାଳୟରେ ଜଣେ ଛାତ୍ର ପରୀକ୍ଷା ଖାତାରେ ଉତ୍ତର ବଦଳରେ ଗୀତ ଲେଖିଥିଲେ। ତାହା ପୁଣି ସିନେମା ଗୀତ। ତେବେ ପୂରା ପରୀକ୍ଷା ଖାତାରେ ଛାତ୍ର ଜଣକ କେବଳ ତିନୋଟି ଉତ୍ତର ଲେଖିଛନ୍ତି, ତାହା ପୁଣି ପ୍ରଶ୍ନ ଅନୁଯାୟୀ ନୁହେଁ। ସେଥିରୁ ଦୁଇଟି ହେଉଛି ସିନେମା ଗୀତ। ଗୋଟିଏ ଥ୍ରି ଇଡିଅଟ୍ର ଗୀତ ଥିଲାବେଳେ ଅନ୍ୟଟି ଥିଲା ପିକେ ସିନେମାର। ଦ୍ୱିତୀୟ ଉତ୍ତର ଥିଲା ଶିକ୍ଷକଙ୍କ ନିକଟକୁ ବାର୍ତ୍ତା। ସେଥିରେ ସେ ଲେଖିଥିଲେ – ”ମାମ୍, ଆପଣ ଜଣେ ଜ୍ଞାନୀ ଶିକ୍ଷକ। ଏହା ମୋର ଦୋଷ ଯେ, ମୁଁ କଠିନ ପରିଶ୍ରମ କରିପାରିଲି ନାହିଁ। ହେ ଭଗବାନ୍ !
ମୋତେ କିଛି ବୁଦ୍ଧି ଦିଅ।“ କିନ୍ତୁ ଶିକ୍ଷକ ଏଥିରେ ଲେଖିଥିଲେ ଯେ, ତୁମେ ଏମିତି ଆହୁରି ଅଧିକ ଉତ୍ତର ଲେଖିବା ଉଚିତ। ବାସ୍ତବରେ ଛାତ୍ରଙ୍କ ଉତ୍ତର ଓ ଶିକ୍ଷକଙ୍କ ଏଭଳି ମଜାଦାର ମନ୍ତବ୍ୟ ଉଲ୍ଲେଖ ଥିବା ଏହି ଉତ୍ତରଖାତାର ଭିଡିଓ ଏବେ ଭାଇରାଲ ହେବାରେ ଲାଗିଛି।
