ପରିବେଶକୁ ପ୍ଲାଷ୍ଟିକ ବର୍ଜ୍ୟମୁକ୍ତ କରିବା ଲାଗି ଭାରତରେ ଯେଉଁ କେତେଜଣ ଉଦ୍ୟମ କରୁଛନ୍ତି ସେମାନଙ୍କ ମଧ୍ୟରେ କପିଳ ଭାଟିଆ ଅନ୍ୟତମ। ସେ ପ୍ଲାଷ୍ଟିକ୍ ବୋତଲକୁ ରିସାଇକ୍ଲିଂ କରି ସେଥିରୁ ପୋଷାକ ପ୍ରସ୍ତୁତ କରୁଛନ୍ତି। କପିଳ ୨୦୨୧ରେ ମୁମ୍ବାଇରେ ୟୁନିରେକ୍ ଷ୍ଟାର୍ଟ ଅପ୍ ପ୍ରତିଷ୍ଠା କରି ତା’ ମାଧ୍ୟମରେ ଏହା କରୁଛନ୍ତି। ପ୍ରତ୍ୟେକ ଆଇଟମ୍ରେ ୧୨ଟି ୧ଲିଟିରିଆ ପ୍ଲାଷ୍ଟିକ ବୋତଲ ରିସାଇକେଲ ହେଉଛି। କପିଳ ପ୍ରଥମ ଅର୍ଡରରେ ୫୦୦ ଟି-ଶାର୍ଟ ତିଆରି କରିଥିଲେ। ଏବେ ପ୍ରତି ୬ ମାସରେ ୧୦,୦୦୦ ପୋଷାକ ସେ ବିକ୍ରି କରୁଛନ୍ତି ଓ ଏଥିରେ ୧,୨୦,୦୦୦ ବର୍ଜ୍ୟ ବୋତଲ ରିସାଇକେଲ ହେଉଛି। ଟି-ଶାର୍ଟ ବ୍ୟତୀତ ପ୍ଲାଷ୍ଟିକ ବର୍ଜ୍ୟରୁ ଜ୍ୟାକେଟ, ବ୍ଲେଜର, ଟ୍ରାଉଜର ଆଦି ତିଆରି କରାଯାଉଛି। ଦିନକୁ ଏଭଳି ୮୦୦ ପୋଷାକ ହୋଇପାରୁଛି। ୟୁନିରେକ୍ ମାସକୁ ପାଖାପାଖି ୫,୦୦୦ ୟୁନିଟ ପାଇଁ ଅର୍ଡର ପାଉଛି। ଗତବର୍ଷ ୨.୫ ଟନ୍ରୁ ଅଧିକ ପ୍ଲାଷ୍ଟିକ ବୋତଲ ରିସାଇକେଲ କରାଯାଇଛି; ଯଦ୍ଦ୍ବାରା ପରିବେଶ ପ୍ରଦୂଷଣ ଅନେକାଂଶରେ ଦୂର ହେବା ସହ ୪୦,୦୦୦ କେଜି କାର୍ବନ ନିର୍ଗମନ ହ୍ରାସ କରାଯାଇପାରିଛି। କାତାର ବିଶ୍ୱକପ୍ ବେଳେ ସେ ୧୭ଟି ଦେଶର ପ୍ରତିନିଧିମାନଙ୍କ ପାଇଁ ଟି-ଶାର୍ଟ ମଧ୍ୟ ତିଆରି କରିଥିଲେ।