ପିତାଙ୍କ ଚାକିରିରେ ବଦଳି ଯୋଗୁ ଦେଶର ବିଭିନ୍ନ ସ୍ଥାନରେ ରହୁଥିଲେ ଦୁଇ ଭଉଣୀ ତନ୍ୟା ଏବଂ ସୁଜାତା। ସେମାନେ ଦେଶର ବିଭିନ୍ନ ଅଞ୍ଚଳର ସଂସ୍କୃତି, ପରମ୍ପରା ଓ ପୋଷାକ ଉପରେ ଅଭିିଜ୍ଞତା ହାସଲ କରିବାର ସୁଯୋଗ ପାଇଥିଲେ। ୨୦୧୪ରେ ତନ୍ୟା କନ୍ସଲ୍ଟାଣ୍ଟ ଭାବେ ଓ ସୁଜାତା ଆଇଆଇଟି ମୁମ୍ବାଇରେ ପିଏଚ୍.ଡି. କରୁଥିଲେ। ଏହି ସମୟରେ କିଛି ନୂତନତ୍ୱ ସୃଷ୍ଟି କରି ଲୋକଙ୍କୁୁ ନିଯୁକ୍ତି ଦେବା ପାଇଁ ନିଷ୍ପତ୍ତି ନେଇଥିଲେ। ପରେ ଦୁଇ ବର୍ଷ ପୋଷାକ ଉପରେ ଗବେଷଣା କରି ଶାଢ଼ି ବ୍ରାଣ୍ଡ ‘ସୂତା’ ଆରମ୍ଭ କରିଥିଲେ। ଫ୍ୟାଶନ କ୍ଷେତ୍ରରେ କୌଣସି ଅଭିଜ୍ଞତା ନ ଥାଇ ବି ସେମାନେ ହଜିଯାଉଥିବା କଳାକୁ ଶାଢ଼ି ମାଧ୍ୟମରେ ବଞ୍ଚାଇ ରଖିବାକୁ ବିଭିନ୍ନ ବର୍ଗର ବୁଣାକାର ଓ ଚିତ୍ରକରମାନଙ୍କୁ ଏଥିରେ ସାମିଲ କଲେ। ଏହି ଶାଢ଼ି ଡିଜାଇନ ସେମାନଙ୍କୁ ଆକର୍ଷିତ କରିପାରିଥିଲା। ଏବେ ଏହି କାର୍ଯ୍ୟରେ ସେ ଉତ୍ତରପ୍ରଦେଶ, ବିହାର, ପଶ୍ଚିମବଙ୍ଗ, ମଧ୍ୟପ୍ରଦେଶ, ଓଡ଼ିଶା, ତେଲଙ୍ଗାନା ଆଦି ରାଜ୍ୟରେ ୧୬ ହଜାର ବୁଣାକାରଙ୍କୁ ଏହି କାର୍ଯ୍ୟରେ ଲଗାଇଛନ୍ତି। ୧୫୦ ପରିବାରକୁ ପୂର୍ଣ୍ଣକାଳୀନ ରୋଜଗାର ଦେବାରେ ସକ୍ଷମ ହୋଇପାରିଛନ୍ତି। ଏବେ ତାଙ୍କ ବ୍ୟବସାୟିକ କାରବାର ୫୦ କୋଟିକୁ ଟପିଗଲାଣି। ଏହି ଦୁଇ ଭଉଣୀଙ୍କୁ ସମସ୍ତେ କହୁଛନ୍ତି ‘ସୂତା ଭଉଣୀ’।