ଆନ୍ଧ୍ରପ୍ରଦେଶର କାକିନାଡ଼ା ସହରରେ ବର୍ଜ୍ୟ ସମସ୍ୟା ସମାଧାନ ଲାଗି ସେଠାକାର କମିଶନର ସ୍ବପ୍ନିଳ ପୁଣ୍ଡକର ଅଭିନବ ଉପାୟ ଆପଣାଇଛନ୍ତି। ଯେଉଁମାନେ ମ୍ୟୁନିସିପାଲିଟିର ନିର୍ଦ୍ଧାରିତ ସ୍ଥାନରେ ଅଳିଆ ନ ପକାଇ ରାସ୍ତାରେ ପକାଉଛନ୍ତି ସେମାନଙ୍କୁ କମିଶନର ଓ ତାଙ୍କ ଟିମ୍ ଠାବକରି ସେହି ଅଳିଆକୁ ପୁଣି ସେମାନଙ୍କ ଘରକୁ ଫେରାଇ ଦେଉଛନ୍ତି। ଏହାକୁ କୁହାଯାଉଛି ‘ରିଟର୍ନ ଗିଫ୍ଟ’। ଏଭଳି ଅଭିଯାନ ଆରମ୍ଭ ହେବା ପରେ ଲୋକଙ୍କ ଆଚରଣରେ କିଛି ପରିବର୍ତ୍ତନ ହୋଇଛି ବୋଲି କହନ୍ତି ଆଇଏଏସ୍ ଅଧିକାରୀ ସ୍ବପ୍ନିଳ। ଅଳିଆ ଏଣେତେଣେ ପକାଉଥିବା ଲୋକମାନଙ୍କୁ ଚିହ୍ନଟ କରିବା ପାଇଁ ଜ୍ଞାନକୌଶଳର ଉପଯୋଗ କରାଯାଉଛି। କାକିନାଡାରେ ୧୨୦୦ ସଫେଇ କର୍ମଚାରୀ ରହିଛନ୍ତି। ଏମାନଙ୍କ ମଧ୍ୟରୁ ଦୈନିକ ୯୦୦ ଜଣଙ୍କୁ ଘର ଘର ବୁଲି ବର୍ଜ୍ୟବସ୍ତୁ ସଂଗ୍ରହ କରିବା ଲାଗି ନିୟୋଜିତ କରାଯାଇଛି। ସଫେଇ କର୍ମଚାରୀମାନେ ପ୍ରତି ଘରୁ ଅଳିଆ ସଂଗ୍ରହ କରୁଛନ୍ତି କି ନାହିଁ ତାହା ଜାଣିବା ଲାଗି ସମସ୍ତଙ୍କ ଗେଟ୍ରେ ରେଡିଓ-ଫ୍ରିକ୍ୱେନ୍ସି ଆଇଡେଣ୍ଟିଫିକେଶନ (ଆର୍ଏଫ୍ଆଇଡି) ଟ୍ୟାଗ ଲଗାଯାଇଛି। ଏଥିରୁ ଜଣାପଡେ କେଉଁ ବ୍ୟକ୍ତି ସଫେଇ କର୍ମଚାରୀଙ୍କୁ ଅଳିଆ ଦେଉଛନ୍ତି ଓ ଆଉ କେଉର୍ଁମାନେ ଦେଉନାହାନ୍ତି । ଯେଉଁମାନେ ୩/୪ ଦିନ ଅଳିଆ ଦେଇ ନ ଥାନ୍ତି ସେମାନେ ତାହାକୁ ଘରେ ରଖିତ୍ତ୍ବା କେବେ ବି ସମ୍ଭବ ନୁହେଁ। ତେଣୁ ସେମାନେ ବାହାରେ ତାହାକୁ ଫିଙ୍ଗୁଥିତ୍ବା ସନ୍ଦେହ କରାଯାଏ ଓ ଆରଏଫ୍ଆଇଡି ମାଧ୍ୟମରେ ସେମାନଙ୍କୁ ଚିହ୍ନଟ କରାଯାଇ ‘ରିଟର୍ନ ଗିଫ୍ଟ’ ଦିଆଯାଏ।