ସୋସିଆଲ ମିଡିଆ ଏବଂ ଟେକ୍ନୋଲୋଜି ମାନବ ଜୀବନକୁ ବଦଳାଇ ଦେଇଛି। ସୋସିଆଲ ମିଡିଆ ସୂଚନା ପ୍ରଦାନର ଦ୍ରୁତତମ ମାଧ୍ୟମ ପାଲଟିଛି। ବର୍ଷ ବର୍ଷ ପୂର୍ବରୁ ଅଲଗା ହୋଇଥିବା ପ୍ରିୟଜନଙ୍କ ସହ ମିଳିତ ହେବାରେ ସାହାଯ୍ୟ କରୁଛି। କେରଳର ଜଣେ ବ୍ୟକ୍ତିଙ୍କ ସହ ସମାନ ଘଟଣା ଘଟିଛି, ଯିଏ ଚାକିରି ଖୋଜିବା ପାଇଁ ୧୭ ବର୍ଷ ପୂର୍ବେ ବ୍ରିଟେନ ଯାଇ ନିଖୋଜ ତାଲିକାଭୁକ୍ତ ହୋଇଯାଇଥିଲେ। ଏକ ଫେସବୁକ ପୋଷ୍ଟ ତାଙ୍କୁ ୧୭ ବର୍ଷ ପରେ ମା’ଙ୍କ ପାଖକୁ ନେଇଆସିଛି। କେରଳର ରାଜଧାନୀ ଥିରୁଭାନନ୍ତପୁରମର ନାଗାରୁରର ଜଣେ ୩୭ ବର୍ଷ ବୟସ୍କ ବ୍ୟକ୍ତି ଲଣ୍ଡନରେ ଭାରତୀୟ ଉଚ୍ଚ ଆୟୋଗ ଦ୍ୱାରା ଜାରି ଜରୁରିକାଳୀନ ପ୍ରମାଣପତ୍ରରେ ଜୁଲାଇ ୬ରେ ଦିଲ୍ଲୀରେ ପହଞ୍ଚିଥିଲେ। ଜୁଲାଇ ୧୦ରେ, ଯେତେବେଳେ ଓକିଲ ଦୀପା ଯୋଶେଫ ଦିଲ୍ଲୀର ଅନ୍ତର୍ଜାତୀୟ ଟର୍ମିନାଲରେ ଉପସ୍ଥିତ ଥିଲେ। ଦୀପା ଦେଖିଲେ ଜଣେ ବ୍ୟକ୍ତି ସେଠାରେ ଥିବା କାଫଟେରିଆ କର୍ମଚାରୀଙ୍କ ସହ ଝଗଡା କରୁଛନ୍ତି। ପରେ ଦୀପା ତାଙ୍କ ସୂଚନା ମାଗିଥିଲେ। ସେ କେରଳରେ ତାଙ୍କ ପରିବାର ବିଷୟରେ ସ୍ପଷ୍ଟ ଉତ୍ତର ଦେଇପାରି ନ ଥିଲେ। ଦୀପା ସେହି ବ୍ୟକ୍ତିଙ୍କ କିଛି ଚିତ୍ର ତାଙ୍କ ଫେସବୁକ ଆକାଉଣ୍ଟରେ ଶେୟାର କରିଥିଲେ। ସେ ଆଶା କରିଥିଲେ ଏହି ଚିତ୍ର ମାଧ୍ୟମରେ ବ୍ୟକ୍ତି ତାଙ୍କ ପରିବାରରେ ପହଞ୍ଚି ପାରିବେ।
ଦୀପାଙ୍କ ଆଶା ସଫଳ ହୋଇଥିଲା। ସେହି ଦିନ ସନ୍ଧ୍ୟାରେ ଉକ୍ତ ବ୍ୟକ୍ତିଙ୍କ ମା’ ପୋଲିସ ଷ୍ଟେଶନରେ ପହଞ୍ଚି ପୁଅ ସମ୍ପର୍କରେ ସମସ୍ତ ତଥ୍ୟ ଦେଇଥିଲେ ଓ ୧୭ ବର୍ଷ ପରେ ତାଙ୍କ ପୁଅଙ୍କୁ ଘରକୁ ନେଇଥିଲେ।