ଅନେକେ ପ୍ଲାଷ୍ଟିକ ବର୍ଜ୍ୟ ସମସ୍ୟାର ସମାଧାନ ଉପାୟ ବାହାର କରୁଥିବାବେଳେ ନଏଡାର ମାଧୁରୀ ବାଲୋଡି ଓ ଅମିତ ସିଂ ଅଦରକାରୀ କାଚ ବୋତଲ ଅପ୍ସାଇକ୍ଲିଂ କରୁଛନ୍ତି। ଏବେ ସୁଦ୍ଧା ସେମାନେ ୮ ଲକ୍ଷ କାଚ ବୋତଲ ସଂଗ୍ରହ କରି ଅପ୍ସାଇକ୍ଲିଂ କରିସାରିଲେଣି। ସେମାନେ ୨୦୧୩ରେ ‘ଦି ପୋଏଟ୍ରି-ଆର୍ଟ ପ୍ରୋଜେକ୍ଟ’ ଆରମ୍ଭ କରି ତା’ମାଧ୍ୟମରେ ଏହି କାର୍ଯ୍ୟ କରୁଛନ୍ତି। ବର୍ଜ୍ୟ ଗୋଟାଳି ଏବଂ ଅନ୍ୟମାନଙ୍କଠାରୁ ସେ ବୋତଲ ସଂଗ୍ରହ କରି ସେଥିରୁ ଆକର୍ଷଣୀୟ ଗ୍ଲାସ୍, ସର୍ଭିଂ ସେଟ୍, ଲ୍ୟାମ୍ପ ଏବଂ ଅନ୍ୟ ଘରସଜ୍ଜା ଉପକରଣ ଆଦି ତିଆରି କରୁଛନ୍ତି। ଏଗୁଡ଼ିକ ୩୦୦ ଟଙ୍କାରୁ ଆରମ୍ଭ ହୋଇ ୧,୬୦୦ ଟଙ୍କାରେ ବିକ୍ରି ହେଉଛି। ଏହିସବୁ ସାମଗ୍ରୀକୁ ସେମାନେ ଭାରତ ସମେତ କାନାଡା, ନେଦରଲାଣ୍ଡ୍ସ, ଦୁବାଇ ଏବଂ ବ୍ରିଟେନରେ ବିକ୍ରି କରୁଛନ୍ତି ଓ ୮୦ ହଜାର ଗ୍ରାହକ ସୃଷ୍ଟି କରିପାରିଛନ୍ତି। ବୋତଲ ସଂଗ୍ରହ କରିବା ଲାଗି ଫେସ୍ବୁକ୍ରେ ‘ବ୍ରିିଙ୍ଗ ୟୋର ଓନ୍ ବଟଲ’(ବିଓ୍ବାଇଓବି) ଅଭିଯାନ ଚଳାଇବା ଦ୍ୱାରା ଅନେକ ଲୋକ ଏଥିରେ ସାମିଲ ହୋଇ ସେମାନଙ୍କ ପାଖରେ ବୋତଲ ପହଞ୍ଚାଉଛନ୍ତି। କେବଳ ନଏଡାରେ ୧୫୦ ବର୍ଜ୍ୟ ସଂଗ୍ରହକାରୀ ଏଥିରେ ଯୋଡ଼ି ହୋଇଛନ୍ତି ଓ ଏଥିରୁ ଲାଭ ବି ପାଉଛନ୍ତି।