ଛତୁ ଚାଷରେ ମହିଳାମାନଙ୍କୁ ସ୍ବାବଲମ୍ବୀ କରାଯାଉଥିବାବେଳେ ଜଣେ ନାଗା ଝିଅଙ୍କ ନିଆରା ପଦ୍ଧତି ଏକ ନୂଆ ବାଟ ଦେଖାଇଛି। ନାଗାଲାଣ୍ଡର ଫେକ୍ ଜିଲା ବାସିନ୍ଦା ଲୁଭେଭୋଲୁ ଏ. ରାଖୋ ୪,୦୦୦ ଓକ୍ କାଠ ଗଣ୍ଡିରେ ସିଲଟେକ୍ ଛତୁ ଚାଷ କରୁଛନ୍ତି। ରାଖୋ ସାମ୍ବାଦିକତାରେ ଡିଗ୍ରୀ ହାସଲ କରିଥିଲେ ବି ୨୦୧୯ରୁ ସେ ଚାଷରେ ଲାଗିପଡ଼ିଛନ୍ତି। ଏହି ଚାଷରେ ବି ବହୁ ମହିଳାଙ୍କୁ ନିଯୁକ୍ତ କରିଛନ୍ତି। ସିଲଟେକ୍ ଛତୁ ସମ୍ପୂର୍ଣ୍ଣ ରାସାୟନିକ ମୁକ୍ତ। ଏହାକୁ ଉପତ୍ାଦନ କରିବା ପରେ ଖରାରେ ଶୁଖାଇ ପାଉଡର ଓ ଆଚାର ପ୍ରସ୍ତୁତ ହେଉଛି। ଏହାକୁ ‘ନେଟିଭ ଅର୍ଗାନିକ’ ବ୍ରାଣ୍ଡ୍ରେ ମୁଖ୍ୟତଃ ଦିଲ୍ଲୀ, ମୁମ୍ବାଇ, ବେଙ୍ଗାଲୁରୁ, ପୁଣେ ଓ ଚେନ୍ନାଇରେ ବିକ୍ରି କରାଯାଉଛି। ୭୫ ଗ୍ରାମ୍ ଜାର୍କୁ ୫୦୦ ଟଙ୍କାରେ ବିକ୍ରି ହେଉଛି। ଏହି ଛତୁରେ ଭିଟାମିନ୍ ବି-୫ ଓ ଖାଦ୍ୟ ଉପଯୋଗୀ କପର ରହିଥିବା ବୈଜ୍ଞାନିକମାନେ କହିଛନ୍ତି । ସ୍ବାଦ ଉଚ୍ଚକୋଟୀର ଏବଂ ଔଷଧୀୟ ଗୁଣ ଥିବାରୁ ଏହାର ଆଦର ସାରା ଦେଶରେ ବଢ଼ିବାରେ ଲାଗିଛି। ଏହି ଚାଷ ପଛରେ କୃଷି ବୈଜ୍ଞାନିକ ଡ. ଲଙ୍ଗକୁମାରଙ୍କ ପ୍ରୋତ୍ସାହନ ରହିଛି, ଯିଏକି ନାଗାଲାଣ୍ଡରେ ଏହି ଛତୁଚାଷକୁ ବ୍ୟାପକ କରୁଛନ୍ତି।