ରୋଗ ହେଲେ ସମସ୍ତେ ଡାକ୍ତରଙ୍କ ପାଖକୁ ଯାଆନ୍ତି, କିନ୍ତୁ ଡାକ୍ତର ଲୋକଙ୍କ ଘରକୁ ଯିବା କେବେ ଦେଖିଛନ୍ତି। ଏଭଳି ବ୍ୟବସ୍ଥା ଦେଖିବାକୁ ମିଳିଛି ତାମିଲନାଡୁ ମଦୁରାଇରେ। ସେଠାକାର ଡାକ୍ତର ଡ.ସ୍ବାମୀନାଥନ ସି ଗାଡ଼ିରେ ଲୋକମାନଙ୍କ ଘରେ ପହଞ୍ଚି ବରିଷ୍ଠ ନାଗରିକମାନଙ୍କୁ ଶସ୍ତାରେ ଚିକିତ୍ସା କରୁଛନ୍ତି। ଏବେ ସୁଦ୍ଧା ୨୫,୦୦୦ ବରିଷ୍ଠ ନାଗରିକଙ୍କୁ ସେ ସେବା ଯୋଗାଇ ସାରିଲେଣି। ‘ଡକ୍ଟର୍ସ ଅନ୍ ହ୍ବିଲ୍’ କାର୍ଯ୍ୟକ୍ରମ ମାଧ୍ୟମରେ ଏଭଳି ସେବା ଜାରି ରହିଛି। ୨୦୧୯ରେ ଏହାକୁ ଆରମ୍ଭ କରାଯାଇଥିଲା। ୨୦୧୫ରେ ସ୍ବାମୀନାଥନ ଡାକ୍ତରୀ ଶିକ୍ଷା ଶେଷ କରି ଏକ ଘରୋଇ ଡାକ୍ତରଖାନାରେ ଚାକିରି କରିଥିଲେ। ପରେ ତାହାକୁ ଛାଡ଼ି ୫ ବର୍ଷ ହେଲା ଏଭଳି ଚିକିତ୍ସା ଯୋଗାଇ ଚାଲିଛନ୍ତି। ତାଙ୍କ ଟିମ୍ରେ ଅଛନ୍ତି ଜଣେ ଡାକ୍ତର, ପିଜିଓଥେରାପିଷ୍ଟ, ରେଡିଓଲୋଜିଷ୍ଟ, ନର୍ସ ଏବଂ ଜଣେ ଡ୍ରାଇଭର। ପୂରା ଟିମ୍ ଦିନକୁ ୧୪ ଘଣ୍ଟା କାମ କରୁଛନ୍ତି। ଆବଶ୍ୟକ ହେଲେ ବରିଷ୍ଠ ନାଗରିକଙ୍କୁ ସେମାନଙ୍କ ପସନ୍ଦର ହସ୍ପିଟାଲରେ ଆଡ୍ମିଶନ କରି ମାଗଣାରେ ଚିକିତ୍ସା କରାଯାଉଛି। ଦିନକୁ ସ୍ବାମୀନାଥନଙ୍କୁ ୨୫ଟି କଲ ମିଳୁଛି ଓ ସେ ସେମାନଙ୍କ ଘରେ ପହଞ୍ଚୁଛନ୍ତି। ଦୂରତାକୁ ନେଇ ପୀଡ଼ିତଙ୍କଠାରୁ ୩୦୦ରୁ ୮୦୦ ଟଙ୍କା ନିଆଯାଉଛି।
