ମିରଟ୍,୨୩ା୧୨: ଉତ୍ତରପ୍ରଦେଶର ବାଗପତ୍ ଜିଲାର କେକାଡା ଅଧୀନ ଫଖରପୁର ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ଜଣେ ୬ ବର୍ଷର ଶୁଶୁଙ୍କୁ ତାଙ୍କର ଜଣେ ସମ୍ପର୍କୀୟ ଦାଦା ଏବଂ ତାଙ୍କର ୨ ସହଯୋଗୀ ଅପହରଣ କରି ହତ୍ୟା କରିଥିବା ଜଣାପଡ଼ିଛି। ଦ୍ୱିତୀୟ ଶ୍ରେଣୀରେ ପଢ଼ୁଥିବା ଏହି ଛାତ୍ରଙ୍କୁ ଗତ ୧୫ ତାରିଖରେ ଟ୍ୟୁଶନରୁ ଫେରୁଥିବା ବେଳେ ଅପହରଣ କରି ନିଆଯାଇଥିଲା।
ହେଲେ ମଙ୍ଗଳବାର ରାତିରେ ଗାଁ ପାଖ ଏକ ଆଖୁ କିଆରିରୁ ଛାତ୍ରଙ୍କ ମୃତଦେହ ପୋଲିସ ଜବତ କରିଛି। ଅଭିଯୁକ୍ତମାନେ ଛାତ୍ରଙ୍କୁ ଅପହରଣ କରି ପରିବାର ଲୋକଙ୍କୁ ୫୦ଲକ୍ଷ ଟଙ୍କା ଦାବିକରି କରିଥିଲେ। ଏନେଇ ପରିବାର ଲୋକେ ଥାନାରେ ଅଭିଯୋଗ କରିଥିଲେ। ପରବର୍ତ୍ତୀ ସମୟରେ ଛାତ୍ରଙ୍କ ମୃତଦେହ ଆଖୁ କିଆରିରୁ ମିଳିଥିଲା। ଘଟଣାରେ ସମ୍ପୃକ୍ତ ଦାଦା ବିନୀତ ସିଂ(୨୫) ଏବଂ ତାଙ୍କ ସହଯୋଗୀ ଅକ୍ଷିତ ସିଂ ଏବଂ ନୀରଜ ସିଂଙ୍କୁ ପୋଲିସ ଗିରଫ କରି ଅଧିକ ତଦନ୍ତ ଚଳାଇଛି।