ଭୁବନେଶ୍ୱର,୨୨।୧୨: ଚଳିତ ଶିକ୍ଷାବର୍ଷ ପାଇଁ ସ୍ପିଣ୍ଟ୍ରୋନିକ ଟେକ୍ନୋଲୋଜି ଆଣ୍ଡ ଆଡଭାନ୍ସ ରିସର୍ଚ୍ଚ (ଡିପ୍ଲୋମା) ଛାତ୍ର ଅଧ୍ୟାୟର ଉଦ୍ଘାଟନ ହୋଇଯାଇଛି। ଏହି ପରିପ୍ରେକ୍ଷୀରେ ୬୫ଜଣ ଛାତ୍ରୀଛାତ୍ର ଭାରତୀୟ ସମାଜ ଏବଂ ବୈଷୟିକ ଶିକ୍ଷାର ସଦସ୍ୟ ଭାବେ ପଞ୍ଜିକୃତ ହୋଇଛନ୍ତି।ଅଧ୍ୟକ୍ଷ ଡ଼. ପୁରୋଜିତ ମିଶ୍ର ସଭା ପରିଚାଳନା କରିଥିଲେ। ଏହି ଅବସରରେ ଭାରତୀୟ ସମାଜ ଓ ବୈଷୟିକ ଶିକ୍ଷା ପରିଷଦ ଓଡିଶାର ଅଧ୍ୟକ୍ଷ ପ୍ରଫେସର ଡ଼. ପ୍ରଭାତ କୁମାର ପାଢୀ, ଇଂ ସଞ୍ଜୀବ କୁମାର ସାହୁ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ସେହିଭଳି ସ୍ପିଣ୍ଟ୍ରୋନିକ ଟେକ୍ନୋଲୋଜି ଏବଂ ଆଡଭାନ୍ସ ରିସର୍ଚ୍ଚର ସଚିବ ତଥା ମୁଖ୍ୟବକ୍ତା ମୃତ୍ୟୁଞ୍ଜୟ ବିଶ୍ୱାଳ, ସହକାରୀ ମହାପ୍ରବନ୍ଧକ, ଓଡ଼ିଶା ପାଓ୍ବାର ଟ୍ରାନ୍ସମିଶନ୍ କର୍ପୋରେସନ୍ ଲିମିଟେଡ଼। ଉକ୍ତ କାର୍ଯ୍ୟକ୍ରମରେ ଯନ୍ତ୍ରୀ ବିକାଶ ଦାଶ, ନିର୍ଦ୍ଦେଶକ ସ୍ପିଣ୍ଟ୍ରୋନିକ ଟେକ୍ନୋଲୋଜି ଏବଂ ଆଡଭାନ୍ସ ରିସର୍ଚ୍ଚ, ଅତିଥି ଭାବେ ଯୋଗ ଦେଇଥିଲେ। ରଞ୍ଜନ କୁମାର ବେହେରା ପ୍ରଶାସନିକ ଅଧିକାରୀ ଏବଂ ସହକାରୀ ପ୍ରଫେସର ବିରଞ୍ଚି ସାହୁ, ଡିନ୍ ଅଫ୍ ଷୁଣ୍ଟଟେଡ ଉକ୍ତ କାର୍ଯ୍ୟକ୍ରମରେ ଯୋଗ ଦେଇଥିଲେ। ଡଃ ପ୍ରଭାତ କୁମାର ପାଢୀ ଏବଂ ଅଧ୍ୟକ୍ଷ ଡଃ ପୁରୋଜିତ ମିଶ୍ର ଛାତ୍ର ଅଧ୍ୟାୟକୁ ଉଦ୍ଘାଟନ କରିଥିଲେ।
ଭାରତୀୟ ସମାଜ ଓ ବୈଷୟିକ ଶିକ୍ଷା କର୍ମଚାରୀ ସଂଯୋଜକ ପ୍ରିୟଦର୍ଶୀ ମୃତ୍ୟୁଞ୍ଜୟ ପାଢୀ ଉକ୍ତ ଅଧ୍ୟାୟର ସଦସ୍ୟମାନଙ୍କ ନାମ ଘୋଷଣା କରିଥିଲେ। ଏହି ଅବସରରେ ଡଃ ପ୍ରଭାତ କୁମାର ପାଢୀ ଭାରତୀୟ ସମାଜ ଓ ବୈଷୟିକ ଶିକ୍ଷାନୁଷ୍ଠାନ ସହ ଯୋଡି ହେବା ଉପରେ ଗୁରୁତ୍ୱାରୋପ କରିଥିଲେ। ଇଂ ସଞ୍ଜୀବ ସାହୁ ତାଙ୍କ ଅଭିଭାଷଣରେ ଭାରତୀୟ ସମାଜ ଏବଂ ବୈଷୟିକ ଶିକ୍ଷା ଉପରେ ଗୁରୁତ୍ୱରୋପ କରିଥିଲେ। ଅଧ୍ୟାପକ ପ୍ରଶାନ୍ତ କୁମାର ନାୟକ ବିଭାଗୀୟ ମୁଖ୍ୟ ଇଲେକ୍ଟ୍ରୋନିକ୍ସ ଓ ଟେଲିକମ୍ୟୁନିକେସନ୍ କାର୍ଯ୍ୟକ୍ରମ ପରିଚାଳନା କରିଥିଲେ ଏବଂ ଛାତ୍ରୀଛାତ୍ରଙ୍କ ସହ ପ୍ରେରଣାଦାୟୀ ବାର୍ତ୍ତାଳାପ ପ୍ରଦାନ କରିଥିଲେ। ସହକାରୀ ପ୍ରଫେସର ସୀତେଶ ମହାପାତ୍ର ଧନ୍ୟବାଦ ଅର୍ପଣ କରିଥିଲେ।
