ନୂଆଦିଲ୍ଲୀ,୧୨।୯: ଚନ୍ଦ୍ରଚୂଡଙ୍କ ବାସଭବନରେ ପ୍ରଧାନମନ୍ତ୍ରୀ ମୋଦି ତାଙ୍କୁ ଭେଟିଥିବାର ଫଟୋ ଭାଇରାଲ ହେବାରେ ଲାଗିଛି। ଯାହାକୁ ନେଇ ଭାଜପା-ବିରୋଧୀ ମୁହାଁମୁହିଁ ହୋଇଛନ୍ତି। ତେବେ ଏହି ଫଟୋରେ ଚନ୍ଦ୍ରଚୂଡଙ୍କ ସ୍ତ୍ରୀ ମଧ୍ୟ ନଜର ଆସିଛନ୍ତି। ଗଣେଶ ପୂଜା ଅବସରରେ ପ୍ରଧାନମନ୍ତ୍ରୀ ମୋଦି CJI DY Chandrachud ବାସଭବନରେ ଆରତୀ କରୁଥିବାର ନଜର ଆସିଛନ୍ତି। ଯାହାକୁ ନେଇ ପ୍ରଶ୍ନ ଉଠାଇଛନ୍ତି ବିରୋଧୀ। ଘଟଣାକୁ ନେଇ ସଞ୍ଜୟ ରାଉତଙ୍କ ଠାରୁ ଆରମ୍ଭ କରି ସଞ୍ଜୟ ସିଂ ପରି ନେତା ଭାଜପାକୁ ସିଧାସଳଖ ଟାର୍ଗେଟ କରିଛନ୍ତି। ଏହାକୁ କାଉଣ୍ଟର କରି ଭାଜପା କହିଛି, ଗତକାଲିର ପୂଜା ଏବଂ ଆରତୀ ଦେଶର ଅନେକ ଲୋକଙ୍କ ନିଦ ହଜାଇବା ସହ ଖାଇବା ପିଇବା ବିଗାଡି ଦେଇଛି।
ଏମପି ସଞ୍ଜୟ ସିଂହ କହିଛନ୍ତି, ଭାଜପା ପୂଜାପାଠକୁ ରାଜନୈତିକ ଉଦ୍ଦେଶ୍ୟରେ ବ୍ୟବହାର କରେ। ପୂଜା ଓ ବିଶ୍ୱାସକୁ କିଏ ପ୍ରଶ୍ନ ଉଠାଇଲା? ଭାଜପା ପାଇଁ ପୂଜାର ଅର୍ଥ ହେଉଛି ରାଜନୈତିକ ବ୍ୟବହାର। ସେହପରି ଶିବସେନା ନେତା ତଥା ରାଜ୍ୟ ସଭା ଏମପି ସଞ୍ଜୟ ରାଉତ ମଧ୍ୟ କହିଛନ୍ତି, ଏହା ଗଣପତିଙ୍କ ପର୍ବରେ, ଲୋକମାନେ ପରସ୍ପରର ଘରକୁ ଯାଆନ୍ତି। କିନ୍ତୁ ପିଏମ ମୋଦି ଏପର୍ଯ୍ୟନ୍ତ କେତେ ଲୋକଙ୍କ ଘର ପରିଦର୍ଶନ କରିଛନ୍ତି? ମୋ ପାଖରେ ସୂଚନା ନାହିଁ ।
ସଞ୍ଜୟ ରାଉତ ଆହୁରି ମଧ୍ୟ କହିଛନ୍ତି ଯେ, ପ୍ରଧାନ ବିଚାରପତି ଏହି ଘଟଣାରୁ ନିଜକୁ ଦୂରେଇ ରଖିବା ଉଚିତ କାରଣ ଏହି ପ୍ରସଙ୍ଗରେ ଅନ୍ୟ ଦଳ ସହ ତାଙ୍କର ସମ୍ପର୍କ ଖୋଲାଖୋଲି ଦେଖାଯାଉଛି। ଏପରି ପରିସ୍ଥିତିରେ Chandrachud ଆମକୁ ନ୍ୟାୟ ଦେବାରେ ସକ୍ଷମ ହେବ କି? ଆମେ ତାରିଖ ପରେ ତାରିଖ ପାଉଛୁ । ଏଠାରେ ବେଆଇନ ଭାବେ ସରକାର ଚାଲିଛି। ଏହି ଉପାୟରେ ଶିବସେନା ଏବଂ ଏନସିପି ଭାଙ୍ଗିଥିଲେ। ଆମକୁ ନ୍ୟାୟ ଦେବାକୁ ଯାଉଥିବା CJI ଙ୍କ ସହିତ ପ୍ରଧାନମନ୍ତ୍ରୀଙ୍କ ଏପରି ସମ୍ପର୍କ ଅଛି, ସେଥିପାଇଁ ମନରେ ଏକ ସନ୍ଦେହ ସୃଷ୍ଟି ହେଉଛି।