ରାୟଗଡା ଅଫିସ, ୨୭।୭: ରାୟଗଡ଼ା ଜିଲାରୁ ସୋମବାର ୬୮ ଜଣ କରୋନା ପଜିଟିଭ ଚି଼ହ୍ନଟ ହୋଇଛନ୍ତି l ଏଥିରେ ରହିଛନ୍ତି ୧୨ ଜଣ କରୋନା ଯୋଦ୍ଧା। ରାୟଗଡା ଟାଉନ ଥାନାର ୧୨ ପୋଲିସ କର୍ମଚାରୀ କରୋନା ଆକ୍ରାନ୍ତ ହୋଇଥିବାରୁ ରାଜ୍ୟ ସରକାରଙ୍କ ନିୟମ ଅନୁସାରେ ଟାଉନ ଥାନାକୁ ଆଗାମୀ ୪୮ ଘଣ୍ଟା ପର୍ଯ୍ୟନ୍ତ ସିଲ୍ କରାଯାଇଛି। ସଂକ୍ରମଣ ଯେପରି ଅଧିକ ନ ବ୍ୟାପିବ ସେ ନେଇ ଏହି ପଦକ୍ଷେପ ନିଆଯାଇଛି। ଟାଉନ ଥାନା ସମ୍ମୁଖରେ ଅସ୍ଥାୟୀ ଭାବେ ଏକ ତମ୍ବୁ ନିର୍ମାଣ ହୋଇଛି। ଅଭିଯୋଗକାରି ମାନେ ନିଜର ଅଭିଯୋଗ ସେଠାରେ ଦାଖଲ କରିପାରିବେ ବୋଲି ରାୟଗଡା ଏନ୍ପି ଡ. ଶ୍ରବଣ ବିବେକ ଏମ୍ କହିଛନ୍ତି। ଏଥିସହ ଜନସାଧାରଣଙ୍କୁ ସଚେତନ ରହିବାକୁ ସେ ନିବେଦନ କରିଛନ୍ତି l