ଇନ୍ଦୋର, ୧।୯: ମଧ୍ୟପ୍ରଦେଶ ଇନ୍ଦୋର ଜିଲାର କୋଟିପତି ଖଣି ଅଧିକାରୀ ପ୍ରଦୀପ ଖାନ୍ନାଙ୍କ ଘରେ ମଙ୍ଗଳବାର ଆୟକର ବିଭାଗ ପକ୍ଷରୁ ଚଢ଼ାଉ କରାଯାଇଛି। ତାଙ୍କ ଘରୁ ବିଡ଼ା ବିଡ଼ା ଟଙ୍କା ଜବତ ହୋଇଛି। ଇନ୍ଦୋରର ପଟେଲ ନଗର ସ୍ଥିତ ପ୍ରଦୀପଙ୍କ ଫ୍ଲାଟ୍ ଏବଂ ଭୋପାଳର ଗୌତମନଗର ଅଞ୍ଚଳର ଗୋବିନ୍ଦପୁରାଠାରେ ଥିବା ଘରେ ଏକ ସମୟରେ ଚଢ଼ାଉ କରାଯାଇଛି। ପ୍ରଦୀପଙ୍କ ଘରୁ ୪ଟି ଦୁଇଚକିଆ ଏବଂ ୨ଟି ଚାରି ଚକିଆ ଗାଡ଼ି ଜବତ ହେବା ସହିତ ବହୁ ସ୍ଥାବର ସମ୍ପତ୍ତିର କାଗଜପତ୍ର ଜବତ କରାଯାଇଥିବା କୁହାଯାଉଛି। ବେଆଇନ ଖଣି ଖନନ କରି ପ୍ରଦୀପ ଟଙ୍କା ଆୟ କରିଥିବା ଅଭିଯୋଗ ମିଳିବା ପରେ ଏହି ଚଢ଼ାଉ କରାଯାଇଛି।