ଭୁବନେଶ୍ୱର,୨୫।୭: ଆର୍ଥତ୍କ ବର୍ଷ ୨୦୧୯-୨୦ରେ ଆୟକର ବିଭାଗର ଓଡ଼ିଶା ରିଜିଅନ ୧୩,୪୧୩ କୋଟି ଟଙ୍କାର ଆୟକର ସଂଗ୍ରହ କରିଛି। ବିଭାଗର ସର୍ବୋଚ୍ଚ ନୀତି ନିର୍ଦ୍ଧାରଣକାରୀ ସଂସ୍ଥା କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ (ସିବିଡିଟି) ଏହି ସମୟରେ ରାଜ୍ୟରୁ ୧୩,୬୬୩ କୋଟି ଟଙ୍କାର ଟିକସ ସଂଗ୍ରହ କରିବାକୁ ଲକ୍ଷ୍ୟ ଧାର୍ଯ୍ୟ କରିଥିଲା। ହେଲେ ଟିକସ ସଂଗ୍ରହ ଧାର୍ଯ୍ୟ ଲକ୍ଷ୍ୟଠାରୁ ସାମାନ୍ୟ ହ୍ରାସ ଘଟିଛି। ୨୦୧୮-୨୯ ଆର୍ଥତ୍କ ବର୍ଷରେ ଏହି ରିଜିଅନ ୧୩,୧୦୪ କୋଟି ଟଙ୍କା ଆୟକର ଆଦାୟ କରିଥିଲା। ଏହା ତୁଳନାରେ ଗତ ଆର୍ଥତ୍କ ବର୍ଷର ଟିକସ ଆଦାୟ ୨.୩୫% ବଢିଛି। ରାଜ୍ୟର ଅର୍ଥନୈତିକ ପରିଦୃଶ୍ୟକୁ ବିଚାରକଲେ ଟିକସ ସଂଗ୍ରହ ବିଶେଷ ପ୍ରଭାବିତ ହୋଇନାହିଁ। ମାତ୍ର ସାରା ଦେଶ କଥା ବିଚାରକଲେ ଟିକସ ଆଦାୟ ପ୍ରାୟ ୮% ପ୍ରଭାବ ଆସିଥିବା ନଜରକୁ ଆସିଛି। ବିଭାଗ ପକ୍ଷରୁ ମିଳିଥିବା ସୂଚନା ମୁତାବକ ରାଜ୍ୟରେ ମୋଟ ଟିକସଦାତା, ଆସେସିଙ୍କ ସଂଖ୍ୟା ୧୨ ଲକ୍ଷରୁ ଊର୍ଦ୍ଧ୍ୱ ରହିଛି।
ବର୍ତ୍ତମାନ କୋଭିଡ୍-୧୯ ଦ୍ୱାରା ଦେଶର ଅର୍ଥ ବ୍ୟବସ୍ଥା କ୍ଷତିଗ୍ରସ୍ତ ହୋଇଛି। ଏହା ଟିକସ ସଂଗ୍ରହକୁ ମଧ୍ୟ ଗଭୀର ଭାବେ ପ୍ରଭାବିତ କରିଛି। ଗତ ୪ ମାସ ହେବ ଉଭୟ ପରୋକ୍ଷ ଏବଂ ପ୍ରତ୍ୟକ୍ଷ ଟିକସ ସଂଗ୍ରହ ଲଗାତର ଭାବେ ହ୍ରାସ ହେଉଛି। ଚଳିତ ଆର୍ଥତ୍କ ବର୍ଷ ଲାଗି ଦେଶରୁ ୧୩.୧୯ ଲକ୍ଷ କୋଟି ଟଙ୍କା ଟିକସ ଆଦାୟ କରିବା ଲାଗି ଲକ୍ଷ୍ୟ ଧାର୍ଯ୍ୟ ହୋଇଛି। ୨୦୧୯-୨୦ ଆର୍ଥତ୍କ ବର୍ଷରେ ସାରା ଦେଶରୁ ୧୧.୧୮ ଲକ୍ଷ କୋଟିର ପ୍ରତ୍ୟକ୍ଷ ଟିକସ ଆଦାୟ କରାଯାଇଥିଲା। ବର୍ତ୍ତମାନ ଟିକସ ଆଦାୟ ଆଶାଜନକ ହେଉ ନ ଥିବା ବେଳେ ଗତ ଆର୍ଥତ୍କ ବର୍ଷର ନେଟ୍ ଆଦାୟ ତୁଳନାରେ ପ୍ରାୟ ୨୪% ହ୍ରାସ ହେବା ନେଇ କୁହାଯାଉଛି। ଚଳିତ ବର୍ଷ ବର୍ତ୍ତମାନ ସମୟ ଯାଏ ଓଡ଼ିଶା ରିଜିଅନର ଟିକସ ସଂଗ୍ରହ ପ୍ରାୟ ୧୨୦୦ କୋଟି ଟଙ୍କା ହେବ। ଯାହା ଗତ ବର୍ଷ ଜୁନ ସୁଦ୍ଧା ୧୯୦୦ କୋଟି ଟଙ୍କା ରହିଥିଲା।
ଭୁବନେଶ୍ୱର ରିଜିଅନ କାର୍ଯ୍ୟାଳୟର ଜଣେ ବରିଷ୍ଟ ଅଧିକାରୀ ସୂଚନା ଦେଇଛନ୍ତି ଯେ, ଆୟକର ରିଟର୍ନ ଫର୍ମକୁ ସରଳୀକରଣ କରିବା ଲାଗି ବର୍ତ୍ତମାନ ଟେକ୍ନୋଲୋଜିର ବ୍ୟବହାର ବୃଦ୍ଧି କରାଯାଇଛି। ଟିକସଦାତାଙ୍କ ଲାଗି ‘ସରଳ’ ଏବଂ ‘ସହଜ’ ଫର୍ମ ଆସିଛି। ଲୋକମାନେ ଆୟକର ପ୍ରଦାନ ଦ୍ୱାରା ଦେଶ ଗଠନ ଦିଗରେ ନିଜକୁ ସାମିଲ କରିପାରିବେ।